Վրաստանը արդյո՞ք կդառնա կովկասյան ավտոմոբիլային հանգույց
ՎԵՐԼՈՒԾՈՒԹՅՈՒՆՆԵՐ
5ugol.news-ը գրում է, որ Վրաստանի Ազգային վիճակագրական ծառայությունը հայտնել է այս տարվա առաջին 10 ամիսների ընթացքում Ռուսաստանի հետ ապրանքաշրջանառության 50 տոկոս աճի մասին։ Վրաստանից արտահանվող ապրանքների թվում են եղել բնական գինիները, ֆերոհամաձուլվածքները, սպիրտները, հանքային ջրերը և ավտոմեքենաները։ Վերջիններից վաճառել է ավելի քան 3,8 հազար հատ, ինչը զգալիորեն գերազանցում է նախորդ տարվա ցուցանիշները։
Արդյո՞ք դա նշանակում է, որ Վրաստանը դառնում է կովկասյան ավտոմոբիլային կենտրոն:
Ըստ փորձագետի, ավելի շուտ Հայաստանը կարելի է անվանել հանգույց, որը մեքենաներ է արտահանում ուղղակի Եվրոպայից, բայց տեղափոխում է Վրաստանով։ «Վրաստանով փոխադրումներ կատարելը և ուղղակի վրացական ընկերության անունից արտահանելը երկու մեծ տարբերություններ են։ Ընդհանրապես վրացիներն իրենց անհետևողական են պահում: Որոշ ժամանակ առաջ մեքենաներ մատակարարող հայկական ընկերությունները բախվել են այն փաստին, որ Վրաստանում հանկարծ սկսել են շատ ուշադիր զննել բոլոր բեռնատարները։ Արդյունքում Վերին Լարսում բազմակիլոմետրանոց խցանումներ են գոյացել»,- ասել է Za Rulem հրատարակության գլխավոր խմբագիր Մաքսիմ Կադակովը։
Հրապարակման զրուցակցի խոսքով Եվրոպայից մեքենա Հայաստան բերելու համար նախ պետք է այն Բալթյան ծովով բերել Ռուսաստան, Ռուսաստանից՝ Վրաստան, Վրաստանից՝ Հայաստան, ապա հետ վերադարձնել։ Ուստի բեռների շարժը, անկասկած, կարող էր աճել, բայց ճիշտ վիճակագրություն կարելի է բարձրաձայնել միայն յուրաքանչյուր դեպքում մատակարարին իմանալով։
«Չպետք է շատ հույս դնել Վրաստանի վրա։ Այդ երկիրը մնում է Միացյալ Նահանգների ազդեցության տակ, եթե այնտեղից հրահանգ գա մատակարարումները սահմանափակելու, նրանք կարող են փակել այդ ամբողջ այլընտրանքային հոսքը։ Այժմ պլանավորման հորիզոնը զգալիորեն կրճատվել է, ուստի անհնար է երկարաժամկետ հեռանկարներ կառուցել»,- եզրափակել է Մաքսիմ Կադակովը։
Փորձագետը մեկնաբանել է նաև պահեստամասերի շուկայում տիրող իրավիճակը, որտեղ, ըստ Za Rulem հրատարակության գլխավոր խմբագրի նույն իրավիճակ է նկատվում. «Այդ ամենը բերում է միանգամից մի քանի խնդիրների, որոնք են պահեստամասերի պարբերական պակասը, անկայուն գնագոյացումը և կեղծիքների առատությանը»։
Նյութը հրապարակման պատրաստեց Կամո Խաչիկյանը
