Էրդողանը անսպասելի ստուգել է նախընտրական շտաբը և հանձնարարել մանրակրկիտ նախապատրաստվել առաջիկա նախագահական ընտրություններին

Թուրքիայի նախագահ Թայիփ Էրդողանը անսպասելի ստուգել է իր նախընտրական շտաբը և հանձնարարել մանրակրկիտ նախապատրաստվել առաջիկա նախագահական ընտրություններին, գրում է Yeni Şafak-ը։

«Նախագահ Էրդողանն անակնկալ նախընտրական հանդիպում է անցկացրել և սուգել իր ապարատի զարկերակը 2023 թվականի ընտրություններից առաջ։ Էրդողանը լսել է իր շտաբի տեսակետները նախընտրական ցիկլի նախապատրաստման բովանդակության ու եղանակի վերաբերյալ»,–գրում է թերթը։

Թուրքիայի նախագահական ընտրությունները տեղի կունենան 2023 թվականի հունիսի 18-ին: Դրանց կմասնակցի Էրդողանը։

Թուրքիայում ընդհանուր (նախագահական և խորհրդարանական) ընտրությունները, տեղական օրենսդրության համաձայն, տեղի են ունենում նույն օրը և ի սկզբանե նշանակված էին 2023 թվականի հունիսին։ Իշխող «Ժողովրդական դաշինք»-ն ավելի վաղ հայտարարել էր, որ իրենց միասնական թեկնածուն լինելու է գործող նախագահ Էրդողանը։ Ընդդիմությունը՝ ի դեմս վեց կուսակցությունների դաշինքի, դեռ չի նշել իր թեկնածուին։

Ընդդիմությունն ավելի վաղ հայտարարել էր, որ Թուրքիայի գործող նախագահը չի կարող մասնակցել ընտրություններին, քանի որ սա նրա երրորդ ժամկետն է լինելու։ Արդարադատության նախարարության ղեկավարը բազմիցս ասել է, որ գալիք նախագահական ընտրությունները Էրդողանի համար երկրորդն են լինելու Թուրքիայի՝ 2018 թվականին խորհրդարանական կառավարման ձևից նախագահականի անցնելուց հետո։