Ընդդեմ բայրաքթարների. ի՞նչ է պետք անօդաչուների դեմ պայքարում
ՎԵՐԼՈՒԾՈՒԹՅՈՒՆՆԵՐ
Ռուսաստանն առաջին անգամ էլեկտրամագնիսական «հրացաններ» է օգտագործել անօդաչու թռչող սարքերի դեմ Ուկրաինայում ընթացող ռազմական գործողությունների ժամանակ։ Ռուսաստանյան պետական «ՏԱՍՍ» գործակալությանը ուժային մարմինների աղբյուրը հայտնել է, թե «Ստուպոռ» անվանումով էլեկտրոմագնիսային համալիրները հաջողությամբ են կիրառվել Ուկրաինայում, բարձր արդյունավետություն են ցուցաբերել և նաև բավական հեշտ են օգտագործման մեջ։
Օդում թռչող սարքի վրա պահվում է զենքը, որից հետո այն խլացնում է կառավարվող ազդանշանը օպերատորի և անօդաչուի մեջ, և ԱԹՍ-ն չեզոքացվում ու հարկադրաբար իջեցվում է անհրաժեշտ վայրում։ Նոր սարքավորման կիրառման կոնկրետ վայրը չի նշվում։ Պատերազմի մեկնարկից գրեթե 5 ամիս անց, Ռուսաստանն առաջին անգամ է նման միջոցներ կիրառում, նշենք, որ թուրքական «Բայրաքթարներն» ու մյուս անօդաչու սարքերը լրջագույն վնասներ են հասցրել ռուսական զինված ուժերին ուկրաինական պատերազմի ժամանակ, և այժմ Ռուսաստանը կարողացել է համապատասխան միջոցներ գտնել։
Թուրքական «Բայրաքթարները» 2020-ին իսկական գլխացավանք և աղետ էին դարձել Հայկական զինված ուժերի համար և ահռելի մարդկային ու նյութական վնասներ էին հասցնում հայկական զինված ուժերին։
Հայաստանի իշխանությունները որևէ տեղեկություն մինչ օրս չեն հայտնել, թե ինչ է արվել այս ուղղությամբ։ Իհարկե, երբ Հայաստանը ունենա պետականամետ, նորմալ և հավակնոտ իշխանություն, նման զենք մշակելը հայ գիտնականների համար առանձնապես մեծ բարդություն չի ներկայացնի։ Հարկավոր է միայն քաղաքական կամք և անհրաժեշտ նվազագույն միջոցներ, էլեկտրամագնիսային համալիրներ ստեղծելու՝ դրանք հինգերորդ սերնդի անօդաչուների դեմ կիրառելու համար։
Ըստ էության, Հայաստանին Զինված ուժերի արդիականացման հարցում, այս պահին ամենակարևոր անհրաժեշտություններից մեկը ռադիոէլեկտրոնային պաշտպանության միջոցներն են, որոնք կկարողանան արագ օդում հայտնաբերել թշնամու անօդաչուները և վնասազերծել, բայց այդ ամենը նշենք՝ տեղի կունենա միայն, երբ երկրում իրապես ազգային իշխանություն ձևավորվի։
Ռազմիկ Պետրոսյան
