Ծանոթ ու միարժամանակ անհայտ … գարեջուր «24 կարատ»
ՀԱՍԱՐԱԿՈՒԹՅՈՒՆ
Ոսկե կրեմը, ոսկե թելերը նորություն չեն կոսմետիկ արդյունաբերության մեջ: Կան նույնիսկ ոսկու մասնիկներով, չափազանց թանկարժեք ոսկե ալկոհոլային կոկտեյլներ և գինիներ: Բայց ոսկե գարեջուրը սենսացիա է: Ֆրանսիական գարեջրագործները դա իրական են դարձրել ստեղծելով ոսկե գարեջուր: «24 կարատ» գարեջուրը աշխարհում առաջին գարեջուրն է, որը պարունակում է 24 կարատի ոսկու մասնիկներ: Բացի դա սա առաջին ոսկե ալկոհոլային խմիչքն է, որը հասանելի է անգամ միջին եկամուտ ունեցող սովորական սպառողներին:
Գարեջրի վրա աշխատել է ֆրանսիական «i-Beer» գարեջրատունը: Շշի եզակի դիզայնը, որում վաճառվում է նման անսովոր ապրանքը, հորինել է Բրասսերի դյու Պեյս Ֆլեմինգը: «Ոսկե» գարեջուրը սովորական գարեջրից տարբերվում է ոչ միայն իր լավագույն համային հատկություններով, այլ նաև գույնով: Չպաստերիզացված, զտված, վերին խմորմամբ այս գարեջուրը, որը պատրաստվում է եռակի ֆերմենտացման գործընթացով և Ֆլանդրիայի գարեջրագործների լավագույն ավանդույթներով արդեն վաճառքի է հանվել երկու տարբերակով՝ 9 և 12% թնդությամբ: Ոսկու գարեջուրը նպատակ ունի հագեցնել մարդկանց ինչպես բուն ծարավը այնպես էլ ծարավը ոսկու հանդեպ: Գարեջրագործները պնդում են, որ այն օգտակար է առողջության համար: Պաշտոնական կայքում ասվում է. «Սթրեսի ազդեցության տակ մեր օրգանիզմը սկսում է արտադրել դրական լիցքավորված իոններ և այդ պատճառով դառնում է շատ խոցելի հիվանդությունների նկատմամբ: Կլանելով փոքր քանակությամբ ոսկի մարդու մարմինը սկսում է արտադրել բացասական լիցքավորված իոններ, ինչը բարենպաստ ազդեցություն է ունենում առողջության վրա»: Երեք հազար շիշ ոսկե գարեջուր արդեն իսկ վաճառքի է հանվել: 750 մլ տարողության շիշը պաշտոնական կայքում կարելի է ձեռք բերել 65 դոլարով: Դա ավելի քան մատչելի գին է ոսկե գարեջրի համար: Ի դեպ, աշխարհում կա նաև ոսկե գինի: Gold Cuvée- ն մի տեսակ սորտային գինի է, որը պատրաստվում է Pinot Blanc խաղողից: Փրփրուն սպիտակ գինին պատրաստվում է 24 կարատ ոսկու հատիկների ավելացմամբ: Տոկիոյի Ritz Carlton- ն առաջարկում է ալկոհոլային կոկտեյլ, որը կոչվում է Diamonds are Forever, որի մեջ ձիթապտղի փոխարեն ոսկու հատիկներ են և 1,6 կարատ ադամանդներ: Մեկ բաժակի արժեքը 11 հազար եվրո է: «Դիվա» շոտլանդական օղու զտումը տեղի է ունենում մի քանի փուլով. հյուսիսային կեչու ածուխի միջոցով, այնուհետև ավազի միջոցով իսկ հետո ադամանդե մանրահատիկների միջոցով: Օղու շիշն ինքնին զարդարված է թանկարժեք քարերով և մեկ շիշի արժեքը կազմում է մինչև 2000 ԱՄՆ դոլար: Մեքսիկացի գիտնականները ավելի հեռուն են գնացել իրենց գյուտով. Նրանք, ընդհանուր առմամբ, սովորել են, թե ինչպես կարելի է ադամանդ ստանալ ալկոհոլից: «Արծաթե» տեկիլայի արտադրության տեխնոլոգիան ենթադրում է երկամսյա տաքացման ազդեցություն մինչև 300 աստիճան, արդյունքում ստացված գազը տաքացվում է մինչև 800 աստիճան, այնուհետև այն խտանում է սիլիցիումի կամ պողպատե ափսեի վրա և ստացվում են 100-ից 400 նանոմետր տրամագծով ադամանդե բյուրեղներ:
Նյութը հրապարակման պատրաստեց Կամո Խաչիկյանը
