Իր գոյության 10 տարիների ընթացքում ԵԱՏՄ-ն դարձել է տնտեսական սերտ փոխգործակցության նշանակալի հարթակ. Փաշինյան

Միայն գործընկեր երկրների շահերի նկատմամբ հարգալից վերաբերմունքի հիման վրա կհաջողվի պահպանել ԵԱՏՄ արդյունավետությունը։

Այս մասին ասել է ՀՀ վարչապետ Նիկոլ Փաշինյանը ԵԱՏՄ բարձրագույն խորհրդի ընդլայնված  նիստի ժամանակ։

«Պետք է կենտրոնացնել ջանքերը ազգային առաջնահերթությունները հաշվի առնելու վրա։ Համագործակցությունը պետք է նպաստի միավորման երկրների քաղաքացիների բարեկեցության բարձրացմանը»։

Փաշինյանը նաև հավելել է, որ հայկական կողմը ըմբռնումով է մոտենում ժամկետների հնարավոր հետաձգմանը, սակայն գտնում է, որ այդ գործընթացը չի կարող անվերջ տևել և պետք է իրականացվի ողջամիտ ժամկետներում:

«Մենք բազմիցս նշել ենք, որ Հայաստանը պատրաստ է կառուցողական երկխոսության՝ չկարգավորված հարցերի շուրջ հետագա կոնսենսուսի հասնելու և ԵԱՏՄ էլեկտրաէներգետիկական շուկայի ժամանակին գործարկելու նպատակով»,–ասել է ՀՀ վարչապետը ԵԱՏՄ նիստին։