ՊԱՏՄՈՒԹՅԱՆ ԱՅՍ ՕՐԸ ( 29 մայիս)
ՊԱՏՄՈՒԹՅԱՆ ԱՅՍ ՕՐԸ
ՈՐՈՇ ՏՈՆԵՐ- ՄԱԿ-ի խաղաղապահների համաշխարհային օր, Առողջ սննդի համաշխարհային օր, Արգենտինա՝ ցամաքային զորքերի օր, Դոմինիկյան հանրապետություն՝ Մայրերի օր, Ղրղզստան՝ Զինված ուժերի օր:
ՀԱՅԱՍՏԱՆՈՒՄ
1866- ծնվել է գրող Հակոբ Հակոբյանը:
1913– ծնվել է նշանավոր դրամատուրգ, սցենարիստ Լևոն Կարագյոզյանը:
-ծնվել է արձակագիր, լրագրող Աշոտ Արզումանյանը:
1914-ծնվել է արձակագիր լրագրող Գաբրիել Արևյանը:
1918-ավարտվել է Ապարանի ճակատամարտը. թուրքական դիվիզիայի արյունաքամ մնացորդները սպիտակ դրոշ են պարզել։ Սարդարապատի ռազմաճակատում զինադադար է հաստատվել։ Հայկական բոլոր զորքերի հարձակումները դադարեցվել են։ Դա ազդարարել է Սարդարապատի ճակատամարտի ավարտը։
1922 —վախճանվել է ազգությամբ հայ ռուս դերասան և ռեժիսյոր Եվգենի Բագրատիոնի Վախթանգովը, որի անունով էլ կոչվում է նրա հիմնած թատրոնը Մոսկվայում:
1953 -ԽՍՀՄ ղեկավարությունը, չցանկանալով ավելի սրել Թուրքիայի հետ հարաբերությունները, հայտարարել է, որ «Հայաստանի և Վրաստանի կառավարությունները հնարավոր են համարել հրաժարվել Թուրքիայի նկատմամբ տարածքային պահանջներից, մասնավորապես Կարս քաղաքի նկատմամբ ունեցած տարածքային պահանջից»։
1992-Հայաստանը դիվանագիտական հարաբերություններ է հաստատել Գանայի հետ:
1996-վախճանվել է խորհրդային մարմնամարզիկ, օլիմպիական չեմպիոն Հրանտ Շահինյանը:
1998- Հայաստանը դիվանագիտական հարաբերություններ է հաստատել Մալթայի հետ:
2005- Հրազդանի քաղաքապետի ընտրությունների ժամանակ հատուկ ջոկատայինները ուժ են կիրառել թեկնածուներից մեկի կողմնակիցների նկատմամբ, ծեծի են ենթակվել թեկնածու Արթուր Շաբոյանի կողմնակիցները:
2006- Հայ ռեժիսորի Արման Երիցյանի «Բաց երկնքի տակ» վավերագրական ֆիլմը մրցանակ է ստացել Թբիլիսիի «Սեսիլի»֊-ի միջազգային փառատոնում:
-Հայաստանի նախագահի հրամանագրերով Հայկ Հարությունյանն ազատվել է կառավարությանն առընթեր ոստիկանության պետի պաշտոնից և ոստիկանության պետ է նշանակվել Ալիկ Սարգսյանը, որը մինչ այդ Արարատի մարզպետն էր:
2013-Անվանի գրող, արցախյան ազատամարտի մասնակից Լևոն Խեչոյանը հրաժարվել է պետական պարգևից և նստացույց սկսել, քանի որ «երկրից արտագաղթը հասել է մեծ չափերի», և իր եղբայր-ազատամարտիկները, չդիմանալով սոցիալական ծանր պայմաններին հեռանում են:
2018-Երևանի Քանաքեռ-Զեյթուն վարչական շրջանի թիվ 16 պոլիկլինիկայի աշխատողները գործադուլ է սկսել հրաժարվելով տնօրենի ժամանակավոր պաշտոնակատարի ենթակայությամբ աշխատել:
2020- Մասիս Մայիլյանը նշանակվել է Արցախի Հանրապետության արտգործնախարար:
ԱՇԽԱՐՀՈՒՄ
1448 —վախճանվել է Բյուզանդիայի կայսր Հովհաննես 8-րդ Պալեոլոգը:
1453 - Մեհմեդ 2-րդի գլխավորությամբ օսմանյան զորքերը գրավել են Կոստանդնուպոլիսը: Սպանվել է Բյուզանդիայի վերջին կայսր Կոստանդին 11-րդ Պալեոլոգոսը:
1500 —անհետ կորել է պորտուգալացի նավագնաց և հետազոտող բարտոլոմեո Դիաշը:
1727 - Պետրոս 2-րդը դարձել է Ռուսիայի ցար:
1790– վերջին ամերիկյան գաղութ Ռոդ Այլենդը ընդունել է ԱՄՆ-ի Սահմանադրությունը։
1802 —ֆիզիկոս և էլեկտրամետալուրգիայի հիմնադիր ակադեմիկոս Պետրովը հայտնաբերել է էլեկտրական աղեղի երևույթը:
1807 —Մուստաֆա 4-րդը դարձել է Թուրքիայի սուլթան:
1848– Վիսկոնսինը դարձավ ԱՄՆ-ի 30-րդ նահանգը։
1855 —ծնվել է անգլիացի միկրոբիոլոգ, պարազիտոլոգ, որոշ մանրէներ և հարուցիչներ հայտնաբերած Դեյվիդ Բրյուսը:
1917 —ծնվել է ԱՄՆ-ի 35-րդ նախագահ Ջոն Ֆիցժերալդ Քեննեդին:
1935 - Հաագայի քաղաքային թանգարանը բացվել է հանրության համար:
1953 - Էդմունդ Հիլարին և ազգությամբ շերփա Թենսինգ Նորգեյը դարձել են Էվերեստի գագաթ բարձրացած առաջին մարդիկ:
1960-ԽՍՀՄ-ում լույս է տեսել «Ֆուտբոլ» շաբաթաթերթի առաջին համարը:
1985 – Բրյուսելի «Էյզեն» ստադիոնում ՈՒԵՖԱ-ի Չեմպիոնների Լիգայի եզրափակիչ «Յուվենտուս» - «Լիվերպուլ» խաղում տեղի ունեցած անկարգությունների հետևանքով զոհվել է 39 մարդ, մոտ 600-ը ստացել են մարմնական վնասվածքներ։
1988 —սկսվել է ԱՄՆ-ի նախագահ Ռոնալդ Ռեյգանի այցը ԽՍՀՄ:
1990 —Բորիս Ելցինը դարձել է Ռուսաստանի Գերագույն Խորհրդի նախագահ:
2009 —ԱՄՆ-ի նախագահը հայտարարել է Սպիտակ տանը կիբեռանվտանգության ծառայություն ստեղծելու մասին:
Նյութը հրապարակման պատրաստեց Կամո Խաչիկյանը
