Բժիշկը նշել է կորոնավիրուսի ինքնաբուժման դեպքում մահացու սխալները
ՀԱՍԱՐԱԿՈՒԹՅՈՒՆ
Lenta.ru-ն գրում է, որ կորոնավիրուսի ինքնաբուժումը, ինչպես նաև առանց բժշկի նշանակման դեղեր ընդունելը կարող է մահացու սխալ լինել: Այդ մասին ասել է բժիշկ, կլինիկական դեղաբան Անդրեյ Կոնդրախինը։ «Lenta.ru»-ի հետ զրույցում նա ասել է, որ անընկալությունը խթանող միջոցների չարտոնված ընդունումը կարող է հանգեցնել «ցիտոկինային փոթորկ»-ի, ջերմաստիճանի իջեցման որոշ միջոցների օգտագործումը հղի են բարդությունների զարգացմամբ, իսկ հակաբիոտիկների ընդունումը կարող է անգամ կյանքին սպառնացող իրավիճակ հրահրել, որպես հակաբիոտիկասոցացաված լուծ:
Ըստ Կոնդրախինի հիմնական սխալներից մեկը չափազանց վստահությունն է ՊՇՌ թեստերի նկատմամբ, որոնք հեռու են միշտ ճշգրիտ լինելուց: «Եթե ունեք բացասական թեսթ, բայց դեռևս նկատվում են ախտանիշներ, ինչպիսիք են դողը, ջերմությունը, առողջության վատթարացումը, ոչ մի դեպքում չպետք է հանգստանալ, պետք է որքան հնարավոր է շուտ բժիշկ կանչել։ Երբ վիրուսի հետ նախնական շփումից հետո բավական ժամանակ է անցել և առաջին ախտանշանները սկսել են զարգանալ՝ ՊՇՌ-ով կորոնավիրուսը կարող է չհայտնաբերվել, քանի որ այն արդեն դուրս է եկել քթի լորձաթաղանթից և մտել թոքեր, -բացատրել է բժիշկը,- փորձելով ինչ-որ կերպ մեղմել վիճակը, շատ հիվանդներ դիմում են հակաբիոտիկների անվերահսկելի ընդունմանը»: Բայց դա, ըստ Կոնդրախինի, ոչ միայն ոչ մի դրական արդյունքի չի տալիս, այլ նաև կարող է հանգեցնել կյանքին վտանգ սպառնացող վիճակների։ «Նախ այս կերպ մենք նվազեցնում ենք օրգանիզմի պաշտպանունակությունը, քանի որ հակաբիոտիկը սպանում է նաև աղիների կենդանի միկրոօրգանիզմներին, որոնք մեզ անհրաժեշտ են։ Դա իմունային պատասխանի խախտում է։ Բացի այդ, եթե դեղը սխալ է օգտագործվում, կարող է զարգանալ այնպիսի հիվանդություն, ինչպիսին է հակաբիոտիկների հետ կապված լուծը: Համապատասխան բուժման բացակայության դեպքում դա կարող է հանգեցնել մահվան: Իհարկե, այդ խմբի դեղերն ունեն իրենց ուրույն տեղը կորոնավիրուսի բուժման հարցում, բայց դրանց նշանակման հարցը բժիշկը պետք է որոշի»,- ընդգծել է Կոնդրախինը։ Բացի այդ, ըստ նրա, հակաբիոտիկների անվերահսկելի ընդունմամբ մարդը վտանգի տակ է առնում այնպիսի լուրջ բարդություն, ինչպիսին է հակաբիոտիկների նկատմամբ կայունությունը, ինչը կարող է հետագայում դժվարացնել կամ նույնիսկ անհնարին դարձնել որոշ այլ հիվանդությունների բուժումը։ «Անհնար է նաև անվերահսկելի կենսաբանական դեղամիջոցներ ընդունել։ Օրինակ, որոշ մարդիկ փորձում են գտնել Actemra դեղամիջոցը: Պետք է հիշեցնենք, որ դա նախ անհնար է, քանի որ այն մատակարարվում է մեկ մատակարարի կողմից և միայն կովիդարիումով,- ասել է բժիշկը, - նույնիսկ եթե հանկարծ նման խմբի դեղամիջոց գտնեք, դուք դեռ չեք կարող այն ընդունել: Նախ, փաստ չէ, որ այն ճիշտ է պահվել։ Երկրորդ հերթին մեծ հավանականությամբ այն կարող է կեղծ լինել։ Երրորդը, երբ կիրառվում է, մենք ստանում ենք ուժեղ իմունոպրեսիա, և դա կարող է բարդանալ, եթե մարդն ունի բակտերիալ վարակի նշաններ»:
Կոնդրախինի խոսքով, անհնար է ինքնուրույն փորձել ճնշել իմունային համակարգը կորոնավիրուսի դեպքում։ Բայց առանց բժիշկների հսկողության այն բարձրացնելու փորձը նույնպես չափազանց վտանգավոր է։ Բժիշկը հիշեցրել է, որ COVID-19-ի դեպքում իմունիտետն այնքան ուժեղ և հզոր է, որ այն կարող է հանգեցնել սուր շնչառական հյուծման համախտանիշի, ինչպես նաև ցիտոկինային փոթորկի մահացու դեպքերի։ «Վերջինս օրգանիզմի հզոր արձագանքն է վիրուսային վարակի նկատմամբ։ Այսպիսով, եթե մենք էլ ավելի խթանենք իմունային համակարգը, ցիտոկինային փոթորկի հավանականությունը առավել կմեծանա: Վիտամինային կոմպլեքսները նույնպես անօգուտ են։ Նրանք առնվազն չեն կարողանա դադարեցնել հիվանդությունը կամ բարելավել վիճակը: Իսկ վիտամին E-ն, օրինակ, կարող է նաև վատթարացնել թոքերի վիճակը՝ այդ օրգանում տեղի ունեցող ռեակցիաներին մասնակցելու պատճառով։ Ուստի ավելի լավ է վիտամիններ չընդունել մինչև ամբողջական վերականգնում տեղի չունենա»,- խորհուրդ է տալիս բժիշկը։
Կոնդրախինը նաև հիշեցրել է ջերմաստիճանի իջեցման համար դեղեր ընդունելու կանոնները՝ պարացետամոլը կարելի է ընդունել օրական չորս հաբից ոչ ավելի։ Եթե ջերմաստիճանը չի իջնում, դա բժիշկ կանչելու և էլ ավելի շատ դեղորայք չընդունելու պատճառ է, քանի որ դեղաչափը գերազանցելը կարող է թունավոր լինել օրգանիզմի համար։ «Խորհուրդ է տրվում նաև չօգտագործել իբուպրոֆեն։ Եղել են որոշ ուսումնասիրություններ, որոնք ցույց են տվել, որ այն կարող է հանգեցնել ավելի էական փոփոխությունների օրգանիզմում, և դրա հետ կապված բարդությունների զարգացման հավանականությունն ավելի մեծ է: Ուզում եմ նաև հիշեցնել, որ այնպիսի դեղամիջոցները, ինչպիսիք են պարացետամոլը, ասպիրինը, անալգինը, կարող են ուժեղացնել արյան մակարդումը նվազեցնելու համար նախատեսված դեղամիջոցների ազդեցությունը, ինչը, իր հերթին, կարող է առաջացնել կապտուկների ցանկացած հարվածից, արյունահոսությունների»,- ասել է թերապևտը։
Առողջապահության նախարարության գլխավոր ինֆեկցիոնիստ, պրոֆեսոր Վլադիմիր Չուլանովը նույնպես քննադատել է կորոնավիրուսի հակաբիոտիկներով բուժումը։ Փորձագետը պարզաբանել է, որ նման դեղամիջոցների նշանակումն արդարացված է միայն այն դեպքում, եթե թոքաբորբը բակտերիալ վարակի հետևանք է։
Նյութը հրապարակման պատրաստեց Կամո Խաչիկյանը
