Կապանցին չի ընտրի լպիրշ և հողատու իշխանություններին

Երկու օրից ՏԻՄ ընտրություններ են Սյունիքի մարզկենտրոն Կապանում։ Իշխանություններն իրենց բոլոր ռեսուրսները ներդրել են Կապանում ցանկալի արդյունք ստանալու, իրենց հաղթանակն ամրագրելու համար, սակայն ապարդյուն։

Երեկ էլ «Քաղաքացիական պայմանագիրը» պետական հիմնարկների աշխատակիցներին հավաքել էր Կապանի հրապարակում, անձրևի տակ ստիպում էր լսել Երևանից գործուղված փոխվարչապետ Սուրեն Պապիկյանին, այլ իշխանականների, որոնք այդպես էլ չկարողացան բացատրել, թե ինչու պիտի կապանցին նախապատվություն չտա իր գործող քաղաքապետին, և ընտրի կենսագրություն, հետագիծ ու դիմագիծ չունեցող փաշինյանական խամաճիկի։

Քաղաքական հայտարարությունների փոխարեն էլ ՔՊ թեկնածու Դավիթ Դանիելյանը, որի միակ «արժանիքը» ԿԳՄՍ նախկին նախարարի մերձավորը լինելու փաստն է, անցավ լպիրշության բոլոր սահմանները, հայտարարեց․  «Այո, Կապանում՝ կապանցին է որոշելու, և այսուհետ ալբանացին չի որոշելու»։ Կարիք չկա հիշեցնելու, թե ում էր ակնարկում Փաշինյանի աշխատակազմի ղեկավար Արայիկ Հարությունյանի հովանավորյալը։ Արձանագրենք միայն, որ բովանդակային քննադատության փոխարեն այս իշխանությունը տուրք է տալիս պոպուլիզմին, քաղաքական մրցակիցներին սևացնելու և վիրավորելու գործելաոճին։ Այո, հենց կապանցին է ընտրելու, և հաստատապես չի ընտրելու Ադրբեջանի խամաճիկներին, ՀՀ ինքնիշխան տարածքը թշնամուն նվիրողներին, Կապանի և Սյունիքի մյուս համայնքների կյանքը բարդացնողներին, պատերազմում խայտառակ պարտություն կրածներին։ Կապանում Նիկոլ Փաշինյանի իշխանությունը հերթական խայտառակ պարտությունն է կրելու։ Իսկ դրանից հետո նույն Դանիելյանը հարկադրված կարձանագրի ինքն իր համար․ «Այո, Կապանում՝ կապանցին է որոշելու, և այսուհետ ադրբեջանցու կամակատարը չի որոշելու»։

Գարիկ Միքայելյան