Գաղափարազուրկ իշխանությունը՝ ազգային անվտանգության սպառնալիք

Հայաստանի վերջին երեսուն տարիների պատմությունը կարելի է բաժանել չորս փուլերի՝ ըստ երկիրը կառավարող նախագահների։ Յուրաքանչյուր նախկին նախագահ ուներ սեփական սկզբունքների և գաղափարախոսության որոշակի ձևակերպումը, կարմիր գծեր, որոնք երբևէ չէին անցնում։ Ընդհանուր առմամբ, երեք նախկին նախագահները՝ Լևոն Տեր-Պետրոսյանը, Ռոբերտ Քոչարյանը, Սերժ Սարգսյանը երբեք էլ ողջ հասարակության սիրելին չեն եղել։ Հանրության մի մասը մշտապես ավելի կամ պակաս ատել է նրանց, նրանց գաղափարները, մտքերը, քաղաքական գործունեությունը։ Նիկոլ Փաշինյանը յուրահատուկ է նույնիսկ այդ առումով։

Նիկոլ Փաշինյանը Հայաստանի չորս ղեկավարներից միակն է, որը չունի բարոյական որևէ արգելակ, գաղափարական որևէ կողմնորոշում, ընդսմին ձևակերպված և հստակ դիրքորոշումներ Հայաստանի և Արցախի համար կարևորագույն հարցերում։ Լինի դա Արցախի, տնտեսության, բանակի, թե ցանկացած այլ հարցում։ Հեղափոխական գաղափարներով իշխանությունը զավթած վարչախումբը դեռ պատերազմից առաջ գլուխ էր գովում, որ որևէ -իզմ չի դավանում։ Եթե նախկինում դա փորձում էին ներկայացնել որպես իշխանության ճկունության, իրավիճակներին ճիշտ կողմնորոշվելու հատկություն, ապա այսօր հստակ է՝ Հայաստանի համար աղետ է նման գաղափարազուրկ, սկզբունքներ և բարոյական արգելակներ չունեցող իշխանության առկայությունը։

Հանուն իշխանության պահպանման՝ Նիկոլ Փաշինյանն ու իր կողմնակիցները պատրաստ են լինել կոմունիստ ու պահպանողական, անարխիստ և սոցիալ-դեմոկրատ, անգամ՝ հոմոսեքսուալիստ, եթե դրա անհրաժեշտությունը լինի։ Հայտնի անեկդոտը հիշեցրեց։ Նիկոլ Փաշինյանի վարչախումբը թյուրիմացություն է, որին հայ ժողովուրդը իր իսկ ձեռքով փաթաթեց իր վզին, և այժմ ստիպված է տանել գոռ բախտի պարսաքարերը և սլաքները, քանի դեռ հանդուրժում է գաղափարազուրկ խառնամբոխին որպես իր ղեկավար։

Արտյոմ Միքայելյան