Հայաստանում փորձում են հետին թվով լեգիտիմացնել պատգամավորների ձերբակալությունները
ՀԱՍԱՐԱԿՈՒԹՅՈՒՆ
tsargrad.tv-ն գրում է, որ Հայաստանի գլխավոր դատախազությունը պատրաստել է Ընտրական օրենսգրքի փոփոխության նախագիծ, որը, փորձագետների կարծիքով, ուղղված է ընդդիմադիր խորհրդարանական երեք պատգամավորների ձերբակալությունների հետադարձ օրինականությանը: Հատկանշական է, որ ավելի վաղ Գլխավոր դատախազությունը հայտարարել էր, որ անհրաժեշտություն չկա խորհրդարանին դիմել Կենտրոնական ընտրական հանձնաժողովի համաձայնությամբ ճաղերի հետևում հայտնված «Հայաստան» դաշինքի երեք պատգամավորների, երբ նրանք դեռ պատգամավորության թեկնածուներ էին, կալանքը որպես խափանման միջոց երկարաձգելու թույլտվություն ստանալու համար: Այժմ իշխանությունները գիտակցել են ընտրական օրենսգրքում փոփոխություններ կատարելու անհրաժեշտությունը, որոնք կարգավորելու են պատգամավորության թեկնածուների ձերբակալությունները մինչև մանդատներ ստանալը: Ըստ առաջարկվող օրինագծի Գլխավոր դատախազության միջնորդության հիման վրա ԿԸՀ -ի համաձայնությամբ ձերբակալվելու դեպքում, հետագայում թեկնածուների պատգամավորական մանդատ ստանալուց հետո, նրանց անձեռնմխելիությունը կորցված է համարվելու:
Նման կերպ ընդդիմադիր «Հայաստան» դաշինքի երեք պատգամավորների՝ Սյունիքի մարզի Մեղրի քաղաքի նախկին քաղաքապետ Մխիթար Զաքարյանի, նույն մարզի Սիսիան քաղաքի նախկին քաղաքապետ Արթուր Սարգսյանի և հայտնի բժիշկ, պրոֆեսոր Արմեն Չարչյանի ձերբակալության իրավական խոցելիությունը ըստ էության հաղթահարված կլինի: Այդ հանգամանքն արդեն մատնանշել են նրանց փաստաբանները, ովքեր հայտարարել են, որ գլխավոր դատախազությունը «խոստովանել է ձերբակալությունների անօրինականության մասին»: Փորձագետները, սակայն, տարակուսած են, թե ի՞նչն է խանգարել այդ կառույցին, ընդդիմադիրների կողմից մանդատներ ստանալուց հետո, գալ խորհրդարան ձերբակալությունները երկարաձգելու միջնորդություններով: Հաշվի առնելով խորհրդարանում ի օգուտ իշխանությունների ուժերի դասավորությունը համաձայնություն ձեռք բերելը հեշտ կլիներ, և Գլխավոր դատախազությունը և իշխանություններն չէին հայտնվի նման անհարմար իրավիճակում:
Օրինագիծն այժմ անցել է կառավարության համապատասխան կայքում հանրային քննարկումների փուլը, որին մասնակցել է ընդամենը 300 մարդ: Հավանականության մեծ աստիճանով կարելի է պնդել, որ այն կընդունվի խորհրդարանի կողմից հետադարձ լեգիտիմություն տալով ընդդիմադիր պատգամավորների ձերբակալություններին:
Նյութը հրապարակման պատրաստեց Կամո Խաչիկյանը
