Նիկոլ Փաշինյանի կուսակիցները ձախողեցին Արցախի հարցով հանձնաժողովի ստեղծումը
ՎԵՐԼՈՒԾՈՒԹՅՈՒՆՆԵՐ
Ազգաին ժողովի երեկվա նիստում Նիկոլ Փաշինյանի կուսակիցները ձախողեցին Արցախի հարցով հանձնաժողովի ստեղծումը։ Արցախի հարցերով հանձնաժողով ստեղծելու առաջարկությամբ հանդես էին եկել «Հայաստան» և «Պատիվ ունեմ» դաշինքները, որոնց պատգամավորները գրեթե մեկ ամբողջ օր իշխող խմբակցության պատգամավորներին բացատրում էին այդպիսի հանձնաժողովի ստեղծման կարևորությունը։ Դոնթի բանաձևով ընդդիմությանը հանձնաժողովի նախագահների երեք տեղ էր հատկացվելու՝ անկախ նրանից, թե որքան կլինեն հանձնաժողովները, 11՞, թե՞ 12: Իշխանությունը նախընտրեց կիսել Առողջապահության և սոցիալական հարցերի հանձնաժողովները, քան Արցախի հարցով հանձնաժողով ստեղծել։ Ընդդիմության առաջարկը, բնականաբար, չանցավ, կողմ քվեարկեց ընդդիմադիր 33 պատգամավոր, իսկ «Քաղաքացիական պայմանագիրը» գրեթե ողջ կազմով՝ դահլիճում նստած 68 հոգին քվեարկեցին ձեռնպահ։
Փաշինյանական պատգամավորները որևէ առարկայական և բովանդակային հակափաստարկ այդպես էլ չներկայացրին, թե ինչու պիտի Հայաստանի խորհրդարանում չլինի Արցախի հարցերով հանձնաժողովը։ Թերևս, իշխանությունը վստահ էր, որ այդպիսի հանձնաժողովի ստեղծմամբ կարող են բացահայտվել Արցախի հարցում այս իշխանության վարած ապաշնորհ և դավաճանական քաղաքականության բազում դրվագներ։
«Փաստ» օրաթերթի գնահատմամբ, ինչպես և կանխատեսվում էր, Արցախի հարցն ամբողջությամբ ձախողած, երկիրը պարտության առաջնորդած, հազարավոր զոհերի պատճառ դարձած քաղաքական ուժը իր վրայից «գցեց» նաև Արցախի հարցով մշտական հանձնաժողով ստեղծելու պատասխանատվությունը»: Փոխարենը, կիսեցին Առողջապահության և սոցիալական հարցերի հանձնաժողովները, որպեսզի մեկական «պադավատ» ապահովեն Նարեկ Զեյնալյանի և Հերիքնազ Տիգրանյանի համար։
Արման Նիկողոսյան
