Ռոտենբերգի նախկին կինը բողոքել է «չեչեն գրոհայիններից», որոնք գրավել են նրա առանձնատունը Ֆրանսիայում
ՀԱՍԱՐԱԿՈՒԹՅՈՒՆ
rosbalt.ru-ն գրում է, որ Ֆրանսիական ոստիկանությունը հաստատել է, որ Նիցցայի մոտակայքում գտնվող իր «Shoshana» առանձնատուն ներխուժելու պատճառով իրենց է դիմել միլիարդատեր Արկադի Ռոտենբերգի նախկին կինը՝ Նատալյան: Այս մասին գրել է Nice-matin հրատարակությունը:
Կնոջ խոսքով իր ունեցվածք են ներխուժել «արմատական ահաբեկիչները Չեչնիայից»: Ինչպես Նատալիա Ռոտենբերգն է գրել իր Ֆեյսբուքյան էջում, գրոհայինները «գրավել են առանձնատունը, ստիպել են աշխատակիցներին դուրս գալ տարածքից, ծեծել են պահակներին և կառավարչին, կոտրել են տեսախցիկները, կոտրել են կողպեքները, փոխել են կողպեքները և այնտեղ հիմնավորվել»:
Գործարարի նախկին կնոջ խոսքով բռնագրավումն ունի «պատվիրատուներ» ի դեմս «խոշոր ռուս օլիգարխների», որոնք իբր դեմ են նրա «բուռն գործունեությանը»: Ռուս կինը նաև մեղադրել է ֆրանսիական ոստիկանությանը անգործության մեջ: Սակայն Արկադի Ռոտենբերգի ընկերությունը, որը կառավարում է առանձնատունը հայտարարել է, որ տունը Նատալիայի սեփականությունը չէ: Ըստ SCI Villa Shoshana- ի ձեռներեցի նախկին կինը, այժմ Հայաստանում է բնակվում և որոշել է վարձակալել «Shoshana» առանձնատունը:
Ռոտենբերգից ամուսնալուծվելուց հետո առանձնատան 40% -ը պետք է անցներ Նատալյաին, իսկ 60% -ը փոխանցվեր նախկին զույգի դստերը: Բացի այդ, ինչպես հայտնում է ՌԲԿ հրատարակությունը, ևս երեք տուն է նախատեսված եղել Ռոտենբերգի կնոջ համար, սակայն «անշարժ գույքերից ոչ մեկը չի փոխանցվել»: Ռոտենբերգների ամուսնալուծության գործընթացն ավարտվել է 2016 թվականին, ընտանիքը միասին է եղել 2005 թվականից մինչև 2013 թվականը: Լրատվամիջոցները գրում են, որ Նատալյան ակընկալում էր միլիարդատիրոջ կարողության կեսը, եթե դատարանը ամուսնության պայմանագիրն անվավեր ճանաչեր:
Նյութը հրապարակման պատրաստեց Կամո Խաչիկյանը
