Ի՞նչ ապագա ունեն հայկական պետհամարանիշներով ավտոմեքենաները
ՀԱՍԱՐԱԿՈՒԹՅՈՒՆ
168.ru-ն գրում է, որ 2020 թվականի հունվարի 1-ից Հայաստանում մաքսավճարները հավասարեցվել են ԵԱՏՄ մնացած երկրների հետ: Մինչ այդ ռուսաստանցիների շրջանում տարածված սխեմա է եղել Հայաստանի միջոցով Ռուսաստան ավտոմեքենա ներմուծելը: Մեքենան արտերկրից բերվել է հանրապետություն, վճարվել է զգալիորեն ցածր մաքսավճար, ստացվել է տեղական գրանցում, դրվել է
ոստիկանական հաշվառման, ապա արտահանվել Ռուսաստան, որտեղ և սկսվել է շահագորշվել ավտոմեքենան:
Մինչ վերջերս Ռուսաստանի տարածքում նման ավտոմեքենաների օգտագործումը
գործնականում չէր վերահսկվում: Բայց բոլոր բացերը վաղ թե ուշ փակվում են: 2020 թվականի հունվարի 1-ից Հայաստանը ԵԱՏՄ մնացած երկրների հետ հավասարեցրել է մաքսավճարները, իսկ հանրապետությունում օտարերկրյա մեքենաներ գնելու առավելությունները վերացել են: Օրենքի տեսակետից` Ռուսաստանի ճանապարհներին գտնվող Հայաստանի պետհամարանիշներով մեքենաների կարգավիճակը պարզելու համար մենք դիմել ենք Կինեշեմսկ քաղաքի ճանապարհային ոստիկանության պետ
Ալեքսեյ Վալերիևիչ Շիբալովին.
«Ռուսաստանում տասն օրվա ընթացքում չգրանցված ավտոմեքենան
անօրինական է: Խախտումը կարգավորվում է 12.1 հոդվածով, որն է պատշաճ կերպով չգրանցված տրանսպորտային միջոց վարելը: Առաջին դեպքի ժամանակ նախատեսվում է 500-ից 800 ռուբլի տուգանք: Կրկնակի խախտման դեպքում նախատեսվում է հինգ հազար ռուբլի տուգանք կամ ավտոմեքենա վարելու իրավունքից զրկում 1-ից 3 ամիս ժամկետով: Հոդվածը չի նախատեսում տրանսպորտային միջոցի առգրավում:
Ճանապարհներում նման մեքենաների ճշգրիտ թիվը հնարավոր չէ որոշել գրանցման բացակայության պատճառով: Մամուլն առավել հաճախ բերում է մոտավոր թիվ՝ ավելի քան 300 հազար մեքենա ամբողջ երկրում: Նաև բազմիցս հարց է բարձրացվել, որ ճանապարհային երթևեկության կանոնները խախտող օտարերկրացիների շրջանում հայկական պետհամարանիշներով ավտոմեքենաները առաջատար դիրք են զբաղեցնում: Բայց, ընդհանուր առմամբ, նման ավտոմեքենաների հետ կապված առանձնահատուկ խնդիրներ չկան: Տեսուչները կանգնեցնում են նման ավտոմեքենաները և տվյալները մուտքագրում դաշնային տվյալների բազա, իսկ հետո վարորդները տուգանքներ են ստանում ինչպես բոլորը:
Շատերը, իհարկե, կարծում են, որ նման պետհամարանիշներով ավտոմեքենաները չեն ֆիքսվում տեսախցիկների կողմից և տուգանք չի լինում: Բայց իրավիճակը բարելավվել է: Բոլորը հավասար են օրենքի առաջ»:
Նյութը հրապարակման պատրաստեց Կամո Խաչիկյանը
