«Կրկես, փիառ թե՞ միջնադար»․ Փաշինյանը առաջարկել է Ալիևին փոխանակել իր որդուն բոլոր գերի հայերի հետ
ՔԱՂԱՔԱԿԱՆՈՒԹՅՈՒՆ
argumentiru.com-ը գրում է, որ Հայաստանի վարչապետի պաշտոնակատար Նիկոլ Փաշինյանը հայտարարել է, որ պատրաստ է իր որդուն փոխանակել Ադրբեջանում գտնվող հայ ռազմագերիների հետ, և հանձնարարել է նման էկզոտիկ փոխանակում առաջարկել Բաքվին:
Փաշինյանի այդ հայտարարությունը հնչել է ի պատասխան Հայաստանի նախկին նախագահ Սերժ Սարգսյանի քննադատության, որտեղ նա մեկնաբանել է Փաշինյանի այն խոսքերը, որ հայ ռազմագերիները «կներեն գերության մեջ մեկ-երկու ամիս գտնվելը, բայց չեն ների, եթե նրանց ազատ արձակման համար տրվեն երկրի անկախությունն ու ինքնիշխանությունը»:
Սարգսյանը դրանից հետո առաջարկել է «հրաժարվել որդուց» հայ զինվորականներին վերադարձնելու նպատակով:
«Ես պաշտոնապես հայտարարում եմ, իմ որդուն տալիս եմ բոլոր գերիների դիմաց», - իր հերթին ասել է Փաշինյանը, իսկ հետո էլ ավելացրել, որ իբր ինքը լրջորեն է կարգադրել, որ ադրբեջանական կողմին առաջարկվի նման փոխանակում: Նրա խոսքով իր որդին պատրաստ է «որպես պատանդ բանտարկյալների փոխարեն Բաքու մեկնել»:
Աշոտ Փաշինյանն իր ֆեյսբուքյան էջում հաստատել է, որ պատրաստ է նման փոխանակման:
Հասկանալի է, որ հեռավոր միջնադարի նման «առևտուրը» ոչ մի կերպ ձեռնտու չէ Ադրբեջանին, այդ ամենը միանգամայն անիրատեսական է և, ընդհանուր առմամբ, մեր ժամանակներում առնվազն տարօրինակ է թվում: Ի դեպ, ինչու՞ Փաշինյանը իրեն չի առաջարկում փոխանակման համար: Երևի թե այն պատճառով, որ Հայաստանը կկործանվի՞ առանց նրա:
Կամ կրկես է, կամ փիառ: Բայց ցանկացած դեպքում ակնհայտորեն անհաջող:
Նյութը հրապարակման պատրաստեց Կամո Խաչիկյանը
