«Պախմելի» տակ երկիր կառավարելու նուրբ արվեստը

Հայաստան պետության կառավարումը կախված է մեկ մարդուց, ավելի ճիշտ, այդ մեկ մարդու օգտագործած ալկոհոլի քանակից ու որակից։ Քարոզարշավի թեժացմանը զուգահեռ՝ սրվում են նաև մարդկանց նյարդերը։ Եվ անլուրջ կլինի կարծել, թե Նիկոլ Փաշինյանը չի հասկանում՝ ինչ արհավիրք է բերել սեփական երկրին, և ինչ ապագա է իրեն սպասվում ընտրություններում պարտություն կրելու դեպքում։ Լավագույն դեպքում նրան կմեկուսացնեն, հարկատուների միջոցներով, քրեակատարողական որևէ հիմնարկի պատերից ներս կբուժեն ալկոհոլային կախվածությունից։ Մի կախվածություն, որը աղետ է դարձել սեփական երկրի ու նրա քաղաքացիների համար։ Բոլոր խնդիրներն ու սթրեսները օղու մեջ «խեղդելը» յուրահատուկ փրկօղակ է դարձել նրա՝ օրեցօր վատթարացող հոգեկան վիճակի համար։

Ուշադիր նայեք Լոռու մարզ այցի կադրերը, թե՛ ներսում, թե՛ դրսում ունեցած հանդիպումները։ Ակնհայտ է, որ Փաշինյանը գտնվում է ոչ սթափ վիճակում։ Նույնիսկ, եթե այդ պահին հարբած չէ, ապա կարելի է անվրեպ գուշակել, որ նախօրեին անխնա չարաշահել է սպիրտայինը։ Մասնագետները նույնիսկ կկարողանան ճշգրտորեն պարզել, թե ինչ քանակի և որակի ալկոհոլ է կլլել վարչապետի պաշտոնի ծանրության տակ կքած անձնավորությունը։ Կամային որակներ ունեցող ղեկավարը խնդիրների, մարտահրավերների դեպքում սթափ գլխով է մոտենում հարցերի լուծմանը, Հայաստանի բախտը չի բերել այս առումով, մենք պետությունը կորցնելու ուղին ենք ընտրել՝ որպես վարչապետ ընտրելով սովորական մի գինեմոլի։ Իր գրեթե բոլոր անհեթեթ հայտարարությունները Նիկոլ Փաշինյանն անում է ոչ սթափ վիճակում։ Այդպես սովորաբար վարվում են անհույս հարբեցողները, որոնք օղու ազդեցության տակ կորցնում են իրենց։ Իսկ պետության ղեկավարի համար դա հատկապես կործանարար է։ Մի ողջ պետություն, պետության գոյության տրամաբանություն կախված է այն ղեկավարողի օգտագործած խմիչքի քանակից ու որակից։ Եվ այդպես էլ կառավարվում է։

Հովսեփ Ավետյան