Դեբեդ գետի վրայով կառուցվելիք «Բարեկամության կամուրջը» կմիացնի Վրաստանը Հայաստանին
ՀԱՍԱՐԱԿՈՒԹՅՈՒՆ
capost.media-ն գրում է, որ հայ-վրացական սահմանին շուտով կսկսվի «Բարեկամության կամուրջ»-ի կառուցումը: Վրաստանի և Հայաստանի ղեկավարները որոշել են սկսել Սադախլո-Բագրատաշեն անցակետի մոտակայքում Դեբեդ գետի վրայով նոր ավտոմոբիլային կամուրջի կառուցումը: Երկու երկրների համար կարևոր այդ տրանսպորտային օբյեկտի աշխատանքները համակարգելու վերաբերյալ համապատասխան պայմանավորվածություններ են ձեռք բերվել հայ-վրացական միջկառավարական հանձնաժողովի նիստում: Հաստատվել են ծրագրի փաստաթղթերը, շինանյութերը և տրանսպորտը, որոնք ներգրավվելու են շինարարության գործընթացում, որոշվել են աշխատանքների շրջանակները, համաձայնեցվել է այն մասնագետների թիվը, ովքեր պետք է իրականացնեին նախագիծը: Ներկայումս շինհրապարակում սկսվել են առաջին հողային աշխատանքները:
Իրականում «Բարեկամության կամուրջը» ոչ թե մեկ, այլ երկու կամուրջ կլինի՝ միմյանցից մետր հեռավորության վրա: Դրանով երթևեկության հոսքերը բաժանվելու են: Նախատեսում է կառուցել հինգ քայլանի երկաթբետոնե կառուցվածք, որոնցից յուրաքանչյուրի երկարությունը կկազմի 11,85 մետր։ Կամուրջը հագեցած կլինի ժամանակակից լուսավորությամբ և ջրահեռացման համակարգով: Նոր կամրջի կառուցման շուրջ բանակցություններն առաջին անգամ ընթացել են 2013 թվականին, և նախատեսվել է այն շահագործել 2016 թվականի վերջին: Բայց հետո շինարարությունը մի քանի անգամ հետաձգվել է: Այնուամենայնիվ կամուրջը շատ անհրաժեշտ է ինչպես Հայաստանին, այնպես էլ Վրաստանին: Հայտարարվել է միջազգային մրցույթ, որը շահել է իրանական «Ariana Tunnel Dam Co» շինարարական ընկերությունը, իսկ տեխնիկական վերահսկողությունը կիրականացնեն կորեական «Soosung Engineering» և «Korea Consultants International» ընկերությունները: «Բարեկամության կամուրջի» կառուցումը կարժենա 8,325 միլիոն եվրո, և յուրաքանչյուր կողմ կատարելու է հավասար ծախսեր:
Նյութը հրապարակման պատրաստեց Կամո Խաչիկյանը
