Էլ չգնա՛ս Սյունիք, վերջապես ամոթ է
ՔԱՂԱՔԱԿԱՆՈՒԹՅՈՒՆ
Գիտե՞ր Փաշինյանը, ԱԱԾ-ն ու Ոստիկանությունը զեկուցե՞լ էին նրան, որ Սյունիքի համայնքներում մարդկանց նյարդերը գերլարված են և որ վարչապետի աթոռին սոսնձված մարդու այցը Սյունիք կարող է բախումներ առաջացնել։
Այո, միանշանակ, գիտեր ու իրավիճակի մասին էլ վստահաբար կարող ենք պնդել, որ նրան զեկուցվել էր։ Հետևաբար ինչո՞ւ նա գնաց, ինչո՞ւ անտեսեց հավանական բախումների վտանգը։ Պարզ պատճառով՝ Նիկոլին երկրում անկայունություն է պետք, նրան ամենուր խժդժություններ ու բախումներ են պետք։ Կապ չունի, թե քանի մարդ 15 մետր այն կողմ իրեն կհայհոյի, քանի զինվորի հարազատ նրան կնզովի, քանի մարդ նրա հրաժարականը կպահանջի։ Այդ ամենը նրա համար արժեք չունի։ Անամոթության, անպատասխանատվության մաստեր կլաս ցուցադրելով, խոստովանենք, որ դեռևս կարողանում է պահել իր իշխանությունը, միակ արժեքավոր բանը, ինչին երկրպագում է «գելխեղդը»։
Այն, ինչ այսօր տեղի ունեցավ Սյունիքում աննախադեպ էր, Հայաստանի և ոչ մի ղեկավարի ամեն քայլափոխի այսքան չեն հայհոյել, այսքան չեն ատել ու արհամարհել։ Պարադոքսալ բան եմ ասում, սակայն այս ֆոնի վրա է Նիկոլը պահում իշխանությունը։ Այո, նա միտումնավոր է հրահրում բախումներ, սադրում, կուլ տալիս հայհոյանքներ։ Նման դեպքերում հասարակության միասնականության մեջ ճեղք է առաջանում, որի մեջ էլ թաքնվում է «կապիտուլյանտը»։
Ի դեպ, այսօր Սյունիքում Նիկոլի հասցեին, իրենից մի քանի մետր այն կողմ հնչեցին տարատեսակ հայհոյանքներ, սակայն նա արձագանքեց միայն «կապիտուլյանտ» բառին։ Զարմանալի է, բայց նաև հասկանալի, քանի որ նա ներքուստ հո գիտի, որ ինքը կապիտուլյացիայի է ենթարկվել, հետևաբար հոգեբանական տեսանկյունից օրինաչափ էր նրան պոռթկումը։ Նույն թեմայով նա պոռթկած նաև ԱԺ վերջին նիստի ժամանակ։ Առիթ ունեցել եմ ասելու, հիմա էլ կրկնեմ՝ Նիկոլն առանց արյան չի հեռանալու, առանց բախումների չի հեռանալու, երկիրը առանց վերջնական ավերելու չի հեռանալու։ Սա նրա տեսակն է, նրա էությունը, վերջապես նրա ծրագիրը։ Իսկ այսօր սյունեցիները ցույց տվեցին, թե իրականում ինչպես պետք է վերաբերել Հայաստանը մի մեծ գերեզմանատան վերածած կապիտուլյանտի հետ, սյունեցիներն այս դրվագում մաքրեցին մեր ազգային արժանապատվության վրայի սև բիծն ու խավարը, որը բերել է այս քաղաքականապես և բարոյապես անմեղսունակությամբ տառապողների թրքասեր խմբակը։
Իսկ այդ ընթացքում մի «ուսապարկ» կրկին հոխորտում էր՝ թե բա Էտ Սյունիքում որևէ մեկն անպատիժ չի մնա։ Նիկոլիզմով տառապող սույն պատգամավորին պետք է հուշել, որ կարելի է նաև խոսելուց առաջ մտածել, հակառակ դեպքում ինչ-որ մի պահից սկսած Հայաստանում ազատ տեղաշարժվելու հնարավորություն կունենաք ձեր տան խոհանոցից մինչև խորդանոց։ Մարդիկ տեսնում, լսում և ամենակարևորը՝ հիշում են ձեր ամեն մի խոսքն ու հոխորտանքը։
Եվ վերջապես՝ Նիկոլը վերջում բոլորիդ փաթեթավորած «մատաղ է» անելու։
Կարեն Դանիելյան
