Я требую продолжения банкета
ՎԵՐԼՈՒԾՈՒԹՅՈՒՆՆԵՐ
Նիկոլ Փաշինյանի վարչապետ ընտրվելու օրվանից հաճախ է գրվում, որ այս կամ այն տեղում վարչապետը ներկայանում է ոչ սթափ վիճակում, կամ որևէ միջոցառման ժամանակ է այդպիսին դառնում: Առանձնակի ճիգեր պետք չէ գործադրել նկատելու համար, որ Նիկոլը սեր ունի խմելու հետ: Նա տասնյակ տեսախցիկների առաջ նույնիսկ չի կարողանում իրեն զսպել, գոնե մի բաժակ կոնծում է: Դե բացի խմելը, նա նաև անհագ ցանկությամբ ուտում է, բայց ուտելու վնաս չկա: Երեկ Ազգային ժողովում կազմակերպված կլոունադային, ըստ մամուլի, Նիկոլը նորից ոչ սթափ է եղել: Դա էր հավանաբար նաև պատճառը, որ նա առյուծ էր կտրել, հոխորտում էր, ահաբեկում էր, անտակտ, երկրի ղեկավարին ոչ հարիր վարքագիծ էր ցուցաբերում: Իհարկե, նա նորից իր տարերքի մեջ էր, ստում էր, մանիպուլացնում էր, հակասում էր նախկինում արված իր հայտարարություններին: Մի խոսքով՝ Նիկոլը միտինգ էր անում:
Եթե համեմատենք նախորդ անգամվա հետ, ապա ողջամիտ կասկածներ են առաջանում, որ, այո, նա ոչ սթափ վիճակում էր, քանի որ սթափ մարդը, առավել ևս երկրի ղեկավարը, չի կարող նման վարքագիծ ունենալ: Միայն ոչ սթափ մարդը կարող է կազմակերպել ծափահարություններ Արցախը հանձնելու, հազարավոր զոհեր, հարյուրավոր գերիներ ունենալու առկայության պարագայում: Այստեղ բնական հարց կարող է առաջանալ՝ իսկ սթա՞փ էին նրան ծափահարողները: Նրանք սթափ էին, սակայն այդ քաղաքական դիմագիծ, սկզբունքներ ու բարոյականություն չունեցող մարդիկ առաջնորդվում են իրենց փրկչի հոգեվիճակին համահունչ: Հետևաբար այստեղ քննարկելու հարց չկա, ամեն բան վաղուց պարզ է:
Ի դեպ, մամուլում բազմաթիվ են հրապարակումները, որ պատերազմի ժամանակ բազմաթիվ օպերացիաներում զինված ուժերը ձախողել են, քանի որ որոշումները այդ մարդը կայացրել է ոչ սթափ վիճակում: Ինչևէ, այս ամենի ֆոնին ակնհայտ է մեկ պարզ իրողություն՝ հայ ժողովուրդը գործ ունի մի մարդու հետ, ով ոչ միայն կառավարչական հմտություններ, քաղաքական և պետական գործչին բնորոշ վարքագիծ չունի, այլ սիրում է խմել ու խմած որոշումներ ընդունել: Այդ որոշումների համար, իհարկե, մենք շատ թանկ գին ենք վճարում, սակայն ունենք այն, ինչ ունենք: Ո՞րն է ելքը:
Մի պահ թվում էր, թե քարը գլուխը՝ ընտրություններ կլինեն ու հարցը կփակվի, սակայն այսօր արդեն նույնիսկ վտանգավոր է դառնում նրա վարչապետությամբ ընտրությունների անցկացման ելքը: Չգիտես, թե հետընտրական ինչ զարգացումների կարող է նա տանել ժողովրդին: Այդուհանդերձ արձանագրենք՝ առաջիկա քաղաքական պրոցեսներում Հայաստանն ու Արցախը կանգնելու են նոր մարտահրավերների առաջ՝ ներքաղաքական ցնցումների ու բախումների հեռանկարով: Կդիմանա՞ երկիրը դրան, միանշանակ ոչ, հետևաբար քաղաքական դաշտի հիմնական դերակատարները պետք է փորձեն վիժեցնեն Նիկոլի սցենարով ընտրությունների անցկացումը, լիցքաթափեն կուտակված բացասական էներգիան, նոր հետ, ողջամիտ ժամկետում կազմակերպվեն խորհրդարանական ընտրություններ:
Կարեն Դանիելյան
