Ջո Բայդենն այս տարի մտադիր է ճանաչել Հայոց ցեղասպանությունը
ՎԵՐԼՈՒԾՈՒԹՅՈՒՆՆԵՐ
Ամերիկացի հայտնի քաղաքական վերլուծաբան, Eurasia Group-ի հիմնադիր ու նախագահ Յան Բրեմմերը հայտնել է, որ ԱՄՆ նախագահ ։ Սպիտակ տան աղբյուրները Բրեմմերին հայտնել են, որ Բայդենի վարչակազմը կճանաչի Հայոց ցեղասպանությունը։ Նա կլինի ԱՄՆ առաջին նախագահը, որը 1915 թվականի իրադարձությունները ցեղասպանություն կճանաչի։ Այս մասին Բրեմմերը պատմել է իր հաղորդման ընթացքում, որը հրապարակվել է նրա թվիթերյան միկրոբլոգում։
Վերլուծաբանի խոսքով Բայդենը համար առաջնայինը մարդու իրավունքներ են, որը նա ցույց է տվել Սաուդյան Արաբիայի հետ հարաբերություններում։
«Կասկած չկա, որ ցեղասպանության ճանաչումն ավելի կբարդացնի ԱՄՆ-Թուրքիա հարաբերությունների վերականգնումը, Անկարան իրեն կզգա ավելի մեկուսացած, քանի որ այնտեղ հիմա տնտեսական մեծ ճնշում կա»։
Այս թեմայով 1or.am կայքը զրուցել է միջազգայնագետ Սուրեն Սարգսյանի հետ` պարզելու համար, թե որքանով է իրատեսական ցեղասպանության ճանաչումը ԱՄՆ-ի կողմից և ինչ կարող ենք սպասել ճանաչումից հետո։ Հարցին, թե որքանով է իրատեսական, որ ԱՄՆ-ն վերջապես կճանաչի Հայոց ցեղասպանությունը` Սուրեն Սարգսյանը պատասխանել է․
«Բնականաբար ես չեմ կարող պնդել, որ Բայդենը կճանաչի ցեղասպանությունը, բայց այն հանգամանքը, որ ԱՄՆ որևէ վարչակարգ երբեք այսքան մոտ չի եղել ցեղասպանության ճանաչմանը և միջազգային իրավիճակն էլ երբեք այսքան նպաստավոր չի եղել քան հիմա, բնականաբար նման տեղեկությունները շրջանառվում են»։
Անդրադառնալով այն հարցին, թե ճանաչման դեպքում ի՞նչ կփոխվի և Հայաստանը ինչ կշահի միջազգայնագետը ասել է, որ առանձնապես որևէ բան ակնկալել պետք չի․
«Ճանաչման դեպքում որևէ բան պետք չի ակնկալել, որովհետև սա օրենք չէ և օրենքի ուժ ունեցող ակտ չի լինելու, սա ընդամենը նախագահի ուղերձ է լինելու ուղղված հայ ժողովրդին, ուղղված ամերիկահայերին, որովհետև Միացյալ Նահանգների նախագահը օգտագործել է ցեղասպանություն բառը` տալով իրավական և քաղաքական գնահատական։ Սրա հետևանքները լրիվ ուրիշ են լինելու և բնականաբար սա որևէ բան չի նշանակում այն առումով, որ ոչ ոքի դրա դիմաց ոչինչ չի տալու և նման այլ պրոցեսներ չեն լինելու, ընդամենը ճանաչում է լինելու և փաստերը, և դեպքերը կոչվելու են իրենց անուններով»։
Սոնա Գիշյան
