Որ բուհերում են սովորել ՀՀ առաջին տիկնայք և կին քաղաքական գործիչները (ֆոտո)
ԱՄԵՆԱԸՆԹԵՐՑՎԱԾ
Wnews.am-ը գրում է.
Նոյեմբերի 17-ը ուսանողների միջազգային օրն է:
Որ բուհերն են ավարտել ՀՀ առաջին տիկինները, կին նախարարներն ու պատգամավորները : Wnews.am-ը փորձել է պարզել նրանց ուսանողական անցյալը:
Ռիտա Սարգսյան. ՀՀ նախագահի կինն ավարտելով Ստեփանակերտի Ա. Գրիբոյեդովի անվան հ.3 միջնակարգ դպրոցը` Ռիտա Սարգսյանը ստացել է երաժշտական կրթություն եւ աշխատել մանկապարտեզում` որպես երաժշտության ուսուցչուհի:
Բելլա Քոչարյան. ՀՀ երկրորդ նախագահի կինը 1978 թվականին ավարտել է Երևանի բժշկական ինստիտուտի սանիտարա-հիգիենիկ ֆակուլտետը։ Աշխատել է Լեռնային Ղարաբաղի մարզային սանիտարա-հակահամաճարակային կայանում (ՍՀԿ), որպես բժիշկ-մանրէաբան, ապա` բժիշկ հակահամաճարակաբան։ Զբաղեցրել է մարզային ՍՀԿ-ի գլխավոր բժշկի տեղակալի պաշտոնը։ Աշխատանքի վերջին տարիներին (1991 և 1993 թթ.) եղել է ՍՀԿ-ի համաճարակաբանության բաժնի վարիչը։
Լյուդմիլա Տեր-Պետրոսյան. Առաջին նախագահի կինն ավարտել է Լենինգրադի պետական ռուսական համալսարանի գերմանիստիկայի ֆակուլտետը:
Արփինե Հովհաննիսյան. ՀՀ արդարադատության նախարարն ավարտել է Երեւանի պետական համալսարանի /ԵՊՀ/ իրավաբանական ֆակուլտետը: 2007թ. ԵՊՀ իրավաբանական ֆակուլտետի քաղաքացիական իրավունքի ամբիոնի դասախոս է:
Հասմիկ Պողոսյան. ՀՀ նախկին մշակույթի նախարարը սովորել է Երևանի պետական համալսարանի կենսաբանության ֆակուլտետում, կենսաբան-մանկավարժի մասնագիտական որակավորմամբ: Երևանի N 183 միջնակարգ դպրոցում աշխատել է որպես կենսաբանության ուսուցչուհի:
Հերմինե Նաղդալյան. ԱԺ փոխնախագահն ավարտել է Երևանի ժողովրդական տնտեսության ինստիտուտը։ Տնտեսագետ։ Տնտեսագիտության թեկնածու։ 1981-1989 թթ.՝ Սպառողական կոոպերացիայի համամիութենական ԳՀԻ հայկական մասնաճյուղում աշխատել է կրտսեր գիտաշխատող, ավագ գիտաշխատող, ենթաբաժնի վարիչ, բաժնի վարիչ։
Հրանուշ Հակոբյան. ՀՀ Սփյուռքի նախարարն ավարտել է ավարտել է Երևանի պետական համալսարանի կիրառական մաթեմատիկայի ֆակուլտետը, 1989 թվականին՝ Մոսկվայի հասարակական գիտությունների ակադեմիան, 1994 թվականին՝ Երևանի պետական համալսարանի իրավաբանական ֆակուլտետը։
Նաիրա Զոհրաբյան. ԲՀԿ ղեկավարն ավարտել է Երեւանի Գեղարվեստա-թատերական ինստիտուտի թատերագիտության բաժինը: 1992թ. աշխատել է լրագրող «Ար», «Առավոտ», «Հայոց աշխարհ», «Հայք» պարբերականներում: 1999-2006թթ.` «Հայկական ժամանակ» օրաթերթի քաղաքական մեկնաբան: 2007թ.` «Կենտրոն» հեռուստաընկերության «Վերելք» քաղաքական հաղորդաշարի հեղինակ-վարող:
Հեղինե Բիշարյան. ՕԵԿ խմբակցության ղեկավարն ավարտել է Կիրովականի պետական մանկավարժական ինստիտուտը եւ ստացել հայոց լեզվի եւ գրականության ուսուցչի որակավորում: Աշխատել է Երեւանի էլեկտրաապարատների գործարանում որպես վարպետ և Երեւանի թիվ 191 դպրոցում` որպես պատմության եւ իրավունքի ուսուցչուհի:
Շուշան Պետրոսյան. ՀՀԿ-ական պատգամավորն ավարտել է Թերլեմեզյանի անվան գեղարվեստի ուսումնարանի գեղանկարի ֆակուլտետը։ 1993թ.-ին ավարտել է Երևանի գեղարվեստի պետական ակադեմիայի գրաֆիկայի ֆակուլտետը: Աշխատել է «Արձագանք» թատրոն-ստուդիայում (Մետրո թատրոն) որպես հագուստի և բեմի նկարիչ։
Մարգարիտ Եսայան. ՀՀԿ-ական պատգամավորն ավարտել է Երեւանի պետական համալսարանի բանասիրական ֆակուլտետը: Հայոց լեզվի եւ գրականության մասնագետ: Աշխատել է «Առավոտ» օրաթերթի քաղաքական լրագրող-մեկնաբան:
Նաիրա Կարապետյան. ՀՀԿ-ական պատգամավորն ավարտել է Երեւանի պետական համալսարանի արեւելագիտության ֆակուլտետի արաբագիտության բաժինը: 2002թ.` ԳԱԱ արեւելագիտության ինստիտուտի ասպիրանտուրան: Աշխատել է ՀՀ ԱԺ պատգամավորի օգնական:
Զարուհի Փոստանջյան. ԱԺ պատգամավորն ավարտել է Երևանի «ՄՅՈՒԴ» իրավաբանական ինստիտուտը։ Աշխատել է Հայաստանի Հանրապետության բնապահպանության դատախազությունում՝ որպես ավագ տեսուչ:
