Քիմ Քարդաշյանը ցույց է տվել 7-ամյա դստեր հեղինակած նկարը, որը հիացրել է շատերին

Հեռուստաաստղ Քիմ Քարդաշյանն իր միկրոբլոգում հրապարակել է ավագ դստեր՝ Նորթի աշխատանքը։ «Իմ փոքրիկ նկարիչ Նորթ»,- լուսանկարը մակագրել է Քիմը։ Ըստ ամենայնի՝ նկարի հեղինակը Նորթն է. այն պատկերում է լեռնաշղթա եւ լիճ։ Առաջին պլանում մի քանի ծառ է երեւում, շուրջբոլորը վայրի թփեր են ու ծաղիկներ։ Յոթամյա Նորթը նույնիսկ պատկերել է լճի ջրերում անտառի արտացոլանքը։ Հետեւորդներին շոկի է ենթարկել մտահղացումն ու փաստը, որ հեղինակը Քանյե Ուեսթի ավագ դուստրն է։

«Նա իսկական նկարիչ է, ինչպես հայրը», «նա դա ժառանգել է հորից ու Քանյեի մորից՝ Դոնդայից», «բացարձակ գեղեցիկ է, ես կցանկանայի դա կախել պատից», «սա, իհարկե, Քանյեի երեխան է, նույնքան տաղանդավոր, որքան հայրը, սա այնքան գեղեցիկ է, որ ես կգնեմ», «սա չափազանց իդեալական է թվում յոթամյա երեխայի համար, բայց եթե այդպես է, հիանալի է», «չեմ կարողանում հավատալ, որ սա յոթամյա աղջկա աշխատանք է, նա տաղանդավոր է»,- գրել են օգտատերերը։

Բացի իր գեղարվեստական տաղանդներից՝ Նորթը վերջերս յուրօրինակ կերպով զգացմունքներն էր խոսոտովանել մայրիկին։ «Մայրիկ, ես սիրում եմ քեզ»,- զուգարանի թղթի վրա գրել էր Նորթը։ Քիմը, որն ակնհայտորեն զարմացրել էր՝ տեսնելով այդ հաղորդագրությունը, այն հրապարակել էր միկրոբլոգում։ Անակնկալը հուզել էր նրան։ «Ես եւս սիրում եմ քեզ, Նորթ, հավիտյան»,- հավելել էր իրապատում-շոուի աստղը։

Նորթի աշխատանքները հրապարակելուց առաջ Քորթնի Քարդաշյանը ցույց էր տվել, որ Նորթն ու 8-ամյա Պենելոա Դիսկիը լավագույն ընկերներ են։ «Daydreamin`»,- տրոպիկական վայրում արված լուսանկարների շարքը մակագրել էր 40-ամյա Քորթնին։ Առաջին լուսանկարում Նորթն ու Պենելոպան քայլում են դեպի լողափ։ Մյուսներում երեխաները պատրաստում են տախտակները սերֆինգի համար, խաղում լողավազանում։

Քորթնիի լուսանկարներն արվել էին Քարդաշյանների վերջին ճամփորդության ընթացքում։ Քիմը մի քանի լուսանկար էր տեղադրել, որոնք արվել են հունվարի 30-ին։ Դրանցից մեկում Քիմը գրկել է Նորթին ու Չիկագոյին։ Ճամփորդությունը սկսվել է, երբ Քիմի ու Քանյեի մասնակցությամբ սկանդալը նոր թափ է հավաքել։ Զույգը, որը գտնվում է ամուսնալուծության ընթացքում, վիճել էր երեխաներին «Լոս Անեջելեսի տարածից դուրս՝ անապատում ինչ-որ տեղ» մեծացնելու ամուսնու ծրագրերի պատճառով, նշել է աղբյուրը։ Մյուս կողմից Քիմը «բաց է համալիր այցելության համար, սակայն ոչ մշտական բնակության նպատակով»։