Տեղի ունեցողն ամոթալի է ու վերջ
ՔԱՂԱՔԱԿԱՆՈՒԹՅՈՒՆ
Այսօր Ազգային ժողովում կառավարության հետ հարց ու պատասխանի օր էր: Քանի որ հիմա հնարավոր է արագ տեղեկատվություն ստանալ, հետևել ԱԺ նիստերին, դրա համար չեմ մանրամասնում ԱԺ նիստի անցուդարձը, հարց ու պատասխանի սուր անկյունները: Այդուհանդերձ, այսօր պատգամավորների հարցերին ի պատասխան, Նիկոլ Փաշինյանը տվել է պատասխաններ, որոնց համար, անկեղծ ասած, ամաչում եմ:
Ես լրագրող եմ, վերլուծաբան և փորձում եմ քաղաքական գործընթացները, քաղաքական գործիչների ելույթները վերլուծել առանց էմոցիաների, առանց կողմնապահության:
Բայց երբ հարցը վերաբերում է մեր հայրենիքին, գերի ընկած տղաների վերադարձման խնդրին, ապա ես չեմ կարող չարտահատել կարծիքս նաև որպես մարդ, քաղաքացի։ Ես ամաչում եմ, որ իմ երկրի վարչապետի պաշտոնը զբաղեցնում է Նիկոլ Փաշինյանը, քանի որ նրա պատճառով հայ ազգի ազգային արժանապատվությունն ամեն օր առանց գրաֆիկի թե երկրում, թե երկրից դուրս ոտնատակ է տրվում։ Մնացածը գիտեք։
Ապշելու բան է, պարադոքս է, սակայն միայն մեր երկրում ժողովուրդը կարող էր իշխանության բերեր դատապարտված, առանց բարձրագույն կրթության և մշտապես քաղաքական տհասությամբ փայլող անձի: Միայն նա կարող էր հետևողականորեն ապամոնտաժել մեր բանակը և բանտարկեր Արցախի հերոսներն, պատերազմ հաղթած գեներալներին: Միայն նա կարող էր 44 օր ստել, թե հաղթում ենք ու կապիտուլացիայի ակտ ստորագրերեր: Միայն մեր երկրում կարող են լինել մարդիկ, ովքեր, չնայած այն ամոթին, որը բերեց մեր ազգին այս մարդը, պաշտպանեն նրան և նրա մեղքը փորձեն բարդեն ուրիշների վրա: Ու երևակայի միայն մեր երկրում ժողովուրդը կարող էր թույլ տալ, որ կապիտուլյանտը մնա իշխանության ղեկին՝ Արցախի տարածքների մեծ մասը առանց մեկ փամփուշտ կրակելու թշնամուն հանձնելուց հետո: Անկեղծ չգիտեմ, այն, ինչ ես գրել եմ, բացի Հայաստանից որևէ այլ երկրում կարո՞ղ էր պատահել։ Կարծում եմ, ոչ։ Տեղի ունեցողը ուղղակի ամոթալի է ու վերջ։
Կարեն Դանիելյան
