Պատմության այս օրը (հունվարի 8)
ՊԱՏՄՈՒԹՅԱՆ ԱՅՍ ՕՐԸ
ՈՐՈՇ ՏՈՆԵՐ - չկան
ՀԱՅԱՍՏԱՆՈՒՄ
1782 - վախճանվել է հասարակական գործիչ, վաճառական, Նոր Ջուղայի կառավարիչ, Լազարյանների տոհմի հիմնադիրը Աղազար Լազարյանը:
1819 - ծնվել է ռուսական բանակի հայազգի զորավար, գեներալ-լեյտենանտ, գեներալ-համհարզ, 1877-1878 թվականների ռուս-թուրքական պատերազմի հերոս Արշակ Տեր-Ղուկասովը։
1886 – ծնվել է դերասանուհի Օլգա Գուլազյանը:
1918 –ծնվել է նկարիչ Հովհաննես Զարդարյանը:
1926 – ծնվել է գրող, գրականագետ Գեղամ Սևանը:
1931 – ծնվել է հայ խորհրդային ֆիզիկոս Սերգեյ Մատինյանը:
1942 - ծնվել է բանաստեղծ, թարգմանիչ Վառլեն Ալեքսանյանը:
1965 - ծնվել է քաղաքական և ռազմական վերլուծաբան, փորձագետ Ռիչարդ Կիրակոսյանը։
1977- տեղի են ունեցել ահաբեկչություններ Մոսկվայում՝ պայթյուններ մետրոյում, խանութում և հրապարակում, որոնցից միայն մետրոյի պայթյունի հետևանքով է եղել յոթ զոհ և 30 վիրավոր: Հետագայում ահաբեկչության մեղադրանքով մահվան են դատապարտվել Ստեփան Զատիկյանը և ևս մի քանի հայեր: Ներկայումս կասկածներ կան առ այն, որ ամեն ինչ կազմակերպել էր ԿԳԲ-ն, որպեսզի հաշիվներ մաքրի այլախոհների հետ:
2001 - ՀՀ նախագահի հրամանագրով Հովիկ Աբրահամյանը նշանակվել է Տարածքային կառավարման նախարար, Դավիթ Լոքյանը Քաղաքաշինության նախարար և Երվանդ Զախարյանը Տրանսպորտի և կապի նախարար:
2003 - խորհրդարանի արտահերթ նիստում Հայաստանի հանրային հեռուստառադիոընկերության խորհրդի նախագահ է ընտրվել Ալեքսան Հարությունյանը:
2013 - sport-express-ի կողմից ԱՊՀ երկրների 2012 տարվա լավագույն ֆուտբոլիստ է ճանաչվել Հենրիկ Մխիթարյանը:
2014 – վախճանվել է արձակագիր Լևոն Խեչոյանը:
2018 - ավտոմեքենաների ապահովագրությամբ զբաղվող գործակալները մոտ 20 րոպեով փակել են Վրաստանի սահմանին գտնվող Բագրատաշենի մաքսատուն տանող ճանապարհը, քանի որ Նոր տարվանից զրկվել են նորմալ աշխատելու հնարավորությունից:
2019 - Երևանում քաղաքացիական մեքենաները շրջափակել են զորակոչի ավտոբուսը, այնուհետև մի խումբ երիտասարդներ ներխուժել են ավտոբուս, հայհոյանքներ հնչեցրել, ինչը հրմշտոցի պատճառ է դարձել:
ԱՇԽԱՐՀՈՒՄ
1297 — Մոնակոն անկախություն է ստացել Գենուաից:
1324 — վախճանվել է իտալացի ճանապարհորդ և գրող Մարկո Պոլոն:
1587 — ծնվել է սաքսոնացի աստղագետ Յոհաննես ֆաբրիցիուսը:
1780 — Ամերիկյան հեղափոխական պատերազմի ժամանակ տեղի է ունեցել Ֆենիստրրե հրվանդանի ծովամարտը, որտեղ իսպանական վաճառականների նավատորմը գերի է վերցվել բրիտանական նավատորմի կողմից:
1570 – վախճանվել է Վերածննդի շրջանի ֆրանսիացի ճարտարապետ և տեսաբան Ֆիլիբեր Դելորմը:
1642 – վախճանվել է իտալացի ֆիզիկոս, աստղագետ և փիլիսոփա Գալիլեո Գալիլեյը:
1775 — վախճանվել է անգլիացի տոպոգրաֆ և հրատարակիչ, շրիֆտների ստեղծող Ջոն Բասկերվիլլը:
1789 — վախճանվել է անգլիացի բռնցքամարտիկ, բռնցքամարտի ձեռնոցների ստեղծող և բռնցքամարտի առաջին կանոնները սահմանած Ջեկ Բրոտոնը:
1851 - Ֆրանսիացի ֆիզիկոս Լեոն Ֆուկոն իր իսկ ստեղծած Ֆուկոյի ճոճանակ սարքով ապացուցել է, որ Երկիրը պտտվում է իր առանցքի շուրջը։
1861 - Ռուսական կայսրությունում լույս է տեսել «Աշխարհի շուրջը» հնագույն գիտա-հանրամատչելի և երկրագրական ամսագրի առաջին համարը։
1896 - վախճանվել է ֆրանսիացի սիմվոլիստ բանաստեղծ Պոլ Վեռլենը։
1902 – ծնվել է ամերիկացի հոգեբան, հումանիստական հոգեբանության հիմնադիրներից մեկը հանդիսացող Կարլ Ռոջերսը:
1935 – ծնվել է ամերիկացի երաժիշտ և դերասան, «Ռոքն'ռոլի արքա» Էլվիս Փրեսլին:
1942 – ծնվել է անգլիացի ֆիզիկոս-տեսաբան և տիեզերաբան, Քեմբրիջի համալսարանի տեսական տիեզերաբանության Կենտրոնի հիմանդիր և ղեկավար Սթիվեն Հոքինգը:
1947 – ծնվել է բրիտանացի ռոք երգիչ, երգերի հեղինակ, դերասան և երաժշտական պրոդյուսեր, նկարիչ և հնչյունային ռեժիսոր Դեյվիդ Բոուին:
1957 - Ռոբերտ Ֆիշերը 14 տարեկանում դարձել է ԱՄՆ-ի շախմատի չեմպիոն, ինչը ռեկորդային ցուցանիշ է։
1959 - Շառլ դը Գոլը դարձել է Ֆրանսիայի հանրապետության նախագահը։
1961 - ֆրանսիացիները հանրաքվեով քվեարկել են Ալժիրի անկախության օգտին։
1984 — ծնվել է Հյուսիսային Կորեայի առաջնորդ Կիմ Չեն Ինը:
1996 – վախճանվել է Ֆրանսիայի նախագահ Ֆրանսուա Միտերանը:
2003 - «Թուրքական ավիաուղիներ» ընկերության Ստամբուլից Դիարբեքիր թռչող ինքնաթիռը վթարի է ենթարկվել, որի հետևանքով զոհվել է 75 մարդ։
2010 — Սալվադորի մայրաքաղաքում մոտ կեսդարյա դադարից հետո բացվել է Կուբայի դեսպանատունը:
2020 - Թեհրանի Խոմեյնիի անվան միջազգային օդանավակայանի մոտ վթարի է ենթարկվել «Ուկրաինայի միջազգային ավիաուղիների» Boeing-737 ինքնաթիռը, որի մեջ եղել է 177 մարդ։ Նրանք բոլորը զոհվել են։
Նյութը հրապարակման պատրաստեց Կամո Խաչիկյանը
