Երեք պարզ խորհուրդ ծխելը հեշտությամբ թողնելու համար

Բոլորն էլ գիտեն, որ ծխելն առողջության համար ամենավտանգավոր սովորություններից մեկն է, ուստի զարմանալի չէ, որ մասնագետները հորդորում են հնարավորինս շուտ ազատվել դրանից, սակայն խնդիրն այն է, որ շատ հաճախ ծխելը թողնելու փորձերը ձախողվում են, և որոշ ժամանակ անց մարդը կրկին սկսում է ծխախոտ օգտագործել: Այնուամենայնիվ թոքերի ամերիկյան ասոցիացիան ներկայացրել է երեք պարզ խորհուրդ, որոնք կօգնեն հեշտացնել այդ գործընթացն ու շատ ավելի արագ ազատվել ծխելու սովորությունից:

Չմտածել նախորդ փորձերի մասին

Ծխողներից շատերը նախկինում արդեն ծխելը թողնելու փորձեր արել են, սակայն դրանք ձախողվել են և այժմ տհաճ հիշողությունների են վերածվել՝ խանգարելով հաջողությամբ ազատվել այս սովորությունից: Նման խնդիրներից խուսափելու համար մասնագետները խորհուրդ են տալիս ոչ թե վհատվել նախկին անհաջող փորձերից, այլ վերլուծել դրանք ու հասկանալ, թե ինչն էր նախկինում օգնում խնդրի դեմ պայքարում, իսկ ինչը՝ խանգարում:

Օգնություն խնդրել

Պետք չէ ամեն ինչ ինքնուրույն անել ու հրաժարվել օգնությունից, քանի որ մասնագետի հետ խորհրդակցելը կարող է շատ արդյունավետ լինել: Մասնագետը կօգնի խնդրի դեմ պայքարի պլան կազմել, ինչպես նաև հանդիպումներ կկազմակերպի նման խնդիրներ ունեցող այլ մարդկանց հետ: Թոքերի ամերիկյան ասոցացիայի մասնագետները նշում են, որ խորհրդտվություններն օգնում են 60%-ով բարձրացնել ծխելը հաջողությամբ թողնելու հավանականությունը:

Չկասկածել սեփական ուժերին

Ծխելը թողնել կարող են բոլորը, սակայն լավ արդյունքի հասնելու համար հարկավոր է ընտրել պայքարի ճիշտ մեթոդ և չվհատվել այդ ընթացքում: Եթե ծխելու դեմ պայքարը ձախողվում է և ավարտվում հերթական գլանակով, ապա պետք չէ վհատվել ու կարծել, որ պայքարը վերջնականապես ձախողվել է: Հարկավոր է շարունակել պայքարել ծխելու սովորության դեմ՝ ուշադրություն չդարձնելով տեղի ունեցածին:

Նյութի աղբյուրը՝ medikforum.ru