Հաջորդ տարվա պետբյուջեի մասին. բյուջե չի, «հրաշք» է

Արշալույս Մղդեսյանն իր ֆեյսբուքյան էջում գրում է.

Ըստ նախագծի, պետբյուջեն ծախսերով կազմելու է 1,843 տրիլիոն դրամ, դեֆիցիտը՝ մինչև 342 մլրդ դրամ կամ 18,5%: Ո՞նց ենք փակելու էս ֆինանսական փոսը: Պարտք, իհարկե: Կհիշեցնե՞ք՝ կառավարությունն ինչ էր ասում նոր պարտքեր չներգրավելու մասին: Իհարկե, կորոնաճգնաժամը շարունակվում է և ծանր պատերազմ ենք տեսել ու պարտվել: Ղարաբաղից, «Ղ»-ն մնաց:

Երևի առաջին անգամ պետական բյուջեում դիֆիցիտը գերազանցելու է կապիտալ ծախսերի ծավալը: Կապիտալ ծախսերը կազմելու է 215 մլրդ դրամ: Դեֆիցիտը՝ մինչև 342 մլրդ: Սա ի՞նչ է նշանակում: Ճիշտ է տնտեսական պոտենցիալի թուլացում հետպատերազմական Հայաստանում, որտեղ եթե պետությունը չի կարողանում կամ խորշում է լուրջ ներդրումներ կատարել, ինչո՞ւ պետք է մասնավորը դա անի կամ դրսից ներդրումներ հոսեն:

Իսկ գիտեք էս վիճակի պատճառները որտեղի՞ց են գալիս: Էն որ վրա-վրա ընթացիկ ծախսեր էին ավելացնում՝ աշխատավաձ, թոշակ, պարգևավճար: Պոպուլիզիմի տեսանկյունից լավ է ու գայթակղիչ, բայց վատ է, երբ դա ֆինանսավորվելու է պարտքով: Բյուջեի վրա էն գլխից դրվել են ֆինանսական պարտավորություններ 2021-ի համար: Դրանցից չեն հրաժարվում (ընթացիկ ծախսերը էկող տարի կաճեն շուրջ 30 մլրդ դրամով), բայց կապիտալ ծախսերը սեղմում են: Այսինք՝ տնտեսությանը պոտենցիալը հեչ, կարևորը՝ լավ աշխատավարձ ստանանք:

Մյուսը, կապիտալ ծախսերի խրոնիկ թերակատարված լինել է: 2018-ից էս խնդիրը կա ու չի լուծվում: Ֆիննախը հազար բան փորձեց, բայց չի լուծվում: Ու սա լրացուցիչ պարտքային բեռ է դրել մեր երկրի՝ հարկատուներիս վրա: Ֆինանսական մսխումների անթույլատրելիության մասին խոսող կառավարության օրոք ունենք մի վիճակ, երբ KFW բանկից ներգրաված բայց չծախսած միջոցների մասով արդեն պետության վրա շուրջ 4 մլն դոլարի գումար է ավելացել: Սա ի՞նչ է՝ մսխո՞ւմ, հանցավոր անգործությո՞ւն:

Մեր երկրում գյուղապետ ու դպրոցի տնօրեն են ձերբակալում 200 հազար դրամի չարաշահում կատարելու համար: Տարբերությունը զգո՞ւմ եք:

Եվ վերջինը, ու «ամենակայֆը»: 2021 թ. պետական բյուջեի նախագծով` համեմատած 2018 թ. հետ, պետական ապարատի աշխատակիցների թվաքանակը շուրջ 2 հազարով ավելանում է: Հիշո՞ւմ եք ասում էին՝ օպտիմալացում, կրճատում, պետական ապարատի ուռճացվածություն: