Մոսկվա-Անկարա սրված հարաբերությունների ռիսկերը
ՎԵՐԼՈՒԾՈՒԹՅՈՒՆՆԵՐ
Բոլորվին վերջերս Ֆրանսիայի հետ Թուրքիայի «առճակատումը» մեծ ուշադրություն է հրավիրել իր վրա, սակայն թուրքական կողմի արտաքին քաղաքականության սկզբունքայնությունն իրականում Ռուսաստանի հետ հարաբերություններում է փորձարկվելու, ֆրանսիայի հետ ավելի շատ իմիտացիոն հնարք է։ Ի դեպ՝ այս շաբաթ Թուրքիայի նախագահ Էրդողանը կոչ էր արել մուսուլման աշխարհին բոյկոտել ֆրանսիական արտադրանքը՝ ի պատասխան Ֆրանսիայի ղեկավար Էմանուել Մակրոնի՝ իսլամիստ ծայրահեղականի կողմից ուսուցչի գլխատման դեպքից հետո արած հայտարարությանը։ Հավելենք, որ Թուրքիան մի շարք միջազգային վիճելի հարցերի կիզակետում է, ավելին՝ անգամ ռուսական պաշտպանական համակարգի ձեռքբերման համար ԱՄՆ-ից պատժամիջոցների տակ հայտնվելու վտանգի առաջ է կանգնած։ Ա
յս ամենի հետ մեկտեղ՝ ամենամեծ հետևանքներ կարող է ունենալ Թուրքիայի և Ռուսաստանի միջև աճող լարվածությունը, որոնք հղի են լուրջ ռիսկեր պարոնակող ռեզոնանսներով։ Տեղին է փաստել, որ Սիրիայում և Լիբիայում առճակատման տարբեր կողմերում հանդես գալուն մեկտեղ այժմ այս երկրները, ըստ էության, կարող են անմիջական բախում ունենալ նաև Լեռնային Ղարաբաղում վիճարկելի, քանի որ արդեն ապացուցման կարիք չունի այն փաստը, որ Թուրքիան ռազմական միջամտություն է ցուցաբերում Ադրբեջանին։
Հավելենք, որ երկուշաբթի ռուսական օդուժը հարվածներ է հասցրել Սիրիայի հյուսիսարևմտյան հատվածներին, ինչի հետևանքով Թուրքիայի կողմից աջակցվող զինվորականներ են զոհվել, իսկ թուրքական զորքերը ստիպված են եղել առավել պաշտպանական դիրքեր հետ քաշվել։ Ըստ էության՝ Էրդողանը և Պուտինը թեժացնում են «պատերազմական կրակը», որից փետրվարին Թուրքիան մի կերպ կարողացավ խուսափել, սակայն հնարավոր է նաև, որ երկու երկրի առաջնորդները բանակցային փոխզիջումային տարբերակ գտնեն իրենց տարաձայնությունների հարթման համար։
Անդրանիկ Կիրակոսյան
