Սարգսյանը գերադասում է ներքին համախմբվածությունը
ՎԵՐԼՈՒԾՈՒԹՅՈՒՆՆԵՐ
«Independent» պարբերականին բավականին հետաքրքիր ու բովանդակային հարցազրույց էր տվել ՀՀ երրորդ նախագահ Սերժ Սարգսյանը, որտեղ նա անդրադարձել էր գլխավորապես Արցախի բանակցային գործընթացին, մասնավորապես Կազանի բանակցություններից որոշ մանրամասներ բացահայտել, սակայն հարցազրույցում դիպուկ դիտարկումներ կան նաև ներքաղաքական օրակարգի վերաբերյալ։ Դիտարկենք Սերժ Սարգսյանի՝ լրագրողի կողմից ներքաղաքական որոշ ինտրիգային թեմաների առաջ քաշելու վերաբերյալ արված դիտարկումները, որտեղ նա ակնհայտորեն նշել է․
«Այս փուլում նպատակահարմար չէ, որ ես մեկնաբանեմ ՀՀ ներկայիս իշխանությունների գործողությունները։ Իմ թիմը և ես, նաև այլ ընդդիմադիր քաղաքական ուժեր բազմաթիվ անգամներ դիմել ենք ինչպես ներկայիս իշխանությանը, այնպես էլ ԼՂ նախագահին` առաջարկելով մեր ծառայությունները, բայց ափսոսանքով պետք է նշեմ, որ նրանք մեզ հետ կապ չհաստատեցին: Փաստացի Սարգսյանը ներքին հարաբերությունների վերաբերյալ որևէ մեկնաբանություն չի հնչեցնում, քանի որ ներկա փուլում Հայաստանն առերեսվում է արտաքին ագրեսիայի հետ, և շատ կարևոր է ներքուստ համախմբված լինելու գործոնը»:
Ըստ էության` Սարգսյանն իր խոսքում հստակ ակնարկում է, որ Փաշինյանի այն միտքը, թե «ինքը բանակցությունները սկսել է իր սեփական կետից» սխալ քայլ էր, և իր մեջ խորքային ռիսկեր էր պարունակում։ Միաժամանակ պետք է ֆիքսենք, որ չնայած այն փաստին, որ նախագահ Սարգսյանի կողմից ընդունելի չեն օրվա իշխանությունների և մասնավորապես Նիկոլ Փաշինյանի վարած քաղաքական կուրսը, նա ոչ մի գնահատական ու որևէ քննադատական մեկնաբանություն չի հնչեցնում՝ մնալով կոռեկտության սահմաններում։ Սարգսյանն իր նման վարքագիծը կապված է այն հանգամանքով, որ տվյալ պահին պատերազմի մեջ գտնվող պետության ղեկավարին ուղղակի չի կարելի քննադատել և խոսել նրա տարբեր բացթողումների ու թերացումների մասին։ Սա շատ կարևոր է ֆիքսել, քանի որ ոչ հաճախ ենք նման դրսևորում ու պահվածքի ականատես լինում իշխանական թևից, երբ հնարավոր համար առիթի դեպքում փորձում են տարբեր սպառնալիքներ ու մեղադրականներ հնչեցնել՝ հաշվի չառնելով երկրի ռազմական դրության հանգամանքը։
Անդրանիկ Կիրակոսյան
