Պատերազմական գործողությունները պարզեցին ալիևյան հռետորաբանության հիմքերը
ՔԱՂԱՔԱԿԱՆՈՒԹՅՈՒՆԱյն, որ ներկայիս Թուրքիան առաջվանը չէ և կորցրել է իրականության զգացումը՝ նորություն չէ, բայց որ կարող էր այնքան հեռուն գնալ, որ Հարավային Կովկասի ուղղությամբ այս փուլում նոր թեժ ճակատ բացելու մասին մտածեր՝ շատ փորձագետների համար կանխատեսելի չէր: Միջազգային մամուլը բացահայտ գրում է, որ Թուրքիան վարձկալներ է առաքում Ադրբեջան Արցախի պաշտպանության բանակի դեմ կռվելու համար: Եվ այս նվերը Ալիևը, փաստորեն, սիրով է ընդունել, չհաշվարկելով, որ այդ նվերը պատրաստի ռումբ է, որը կարող է հենց իր ձեռքում պայթել:
Բնական է, որ Թուրքիան հեռուն գնացող նպատակներ է հետապնդում, լավ իմանալով, որ այդ ճանապարհին Ադրբեջանը, որպես պետություն, կարող է պարզապես փլուզվել: Այս ամենը լավ հասկանում է նաև Ալիև կրտսերը, սակայն, սեփական իշխանությունը պահելու համար որոշել է կատարել իր մեծ եղբոր պատվերը: Միջազգային մամուլից բացի Ադրբեջան ջիհադիստներ ուղարկելու մասին հայտարարել է նաև թուրք նախկին դիվանագետ Ունալ Չևիքօզը թուրքական Haberturk հեռուստաընկերության եթերով:
Հայտարարությունը մեծ արձագանքի է արժանացել Թուրքիայում, իսկ իշխանությունները դիվանագետին սկսել են հետապնդել պետական գաղտնիք հրապարակելու համար: Այս ամենը ևս մեկ անգամ փաստում է, որ մոտ է այն ժամանակը, երբ կպատռվի երկար տարիներ Ադրբեջանի վարած կեղծ հռետորաբանության հիմքերը, և հակառակորդը ստիպված կլինի ո՛չ միայն թողնել մարտի դաշտը, այլև՝ ձեռնունայն հեռանալ այնտեղից:
Արմինե Գրիգորյան
