Գերմանիայի գլխավոր հասարակաց տունը սնանկացել է
ՀԱՍԱՐԱԿՈՒԹՅՈՒՆ
Եվրոպայի խոշորագույն հասարակաց տներից մեկը սնանկացել է: Գերմանական ԶԼՄ-ների համաձայն՝ սեպտեմբերի սկզբին հարկադրական փակման պատճառով հասարակաց տուն Pascha-ն, որը գտնվում է Գերմանիայի Կելն քաղաքում, հայտարարել է սնանկացման մասին: 60 աշխատակցուհիներ և 120 հրավիրված մարմնավաճառներ գործազուրկ են դարձել: Հոդվածը վերցված է ռուսական Inosmi կայքից:
Այս տարի նոր կորոնավիրուսային համաճարակն ուժգին հարված է հասցրել բնակչության բոլոր շերտերին՝ ներառյալ հասարակաց տան աշխատակիցներին: Համաճարակի տարածումը կանխելու նպատակով մարտի 14-ին Գերմանիայի մի քանի դաշնային նահանգներ փակել են իրենց ժամանցի պետական օբյեկտները: Մեկ շաբաթ անց երկրի կենտրոնական կառավարությունը հրամայել է ժամանակավորապես փակել Գերմանիայի ժամանցի բոլոր կենտրոնները:
Կառավարության հանդուրժողական վերաբերմունքը մարմնավաճառության նկատմամբ հանգեցրել է նրան, որ ոլորտի աշխատակիցների քանակը տարեցտարի ավելացել է: Սակայն համաճարակի պատճառով բոլորը կորցրել են աշխատանքը:
Covid-19-ի պատճառով Գերմանիայում բազմաթիվ մեծ և փոքր հասարակաց տներ, բարեր և կարմիր լապտերների թաղամասեր դատարկվել են: Արդյունքում աշխատակիցների մեծամասնությունը զրկվել է եկամուտի աղբյուրից, և որոշ աշխատակիցներ հաճախորդների գրավելու համար ստիպված սկսել են դուրս գալ փողոց կամ սոցցանցերում հրապարակումներ անել և այդպիսով զարգացնել իրենց սեփական բիզնեսը:
Այնուամենայնիվ, հասարակաց տան աշխատակիցները չեն կարող շարունակել նման կերպ աշխատել, քանի որ պոտենցիալ հաճախորդներից շատերը կորոնավիրուսի պատճառով վախենում են անձնական հանդիպումներից: Գերմանիայի գործազուրկ մարմնավաճառները իրենց դժգոհությունն արտահայտել են Կելն, Բեռլին, Համբուրգ և այլ քաղաքներում փողոցային բողոքի ցույցեր կազմակերպելով:
Բողոքի ամենալայնածավալ ցույցը տեղի է ունեցել հուլիսի 11-ին: Այդ օրը ողջ Գերմանիայից մոտ 400 մարմնավաճառներ և հասարակաց տների սեփականատերեր Համբուրգի կարմիր լապտերների թաղամասում հավաքվելով՝ դուրս են եկել հանրային ցույցի՝ պահանջելով գերմանական հասարակաց տների բացումը: Նրանք քայլել են պաստառներով՝ «Աշխարհի հնագույն մասնագիտությունը ձեր օգնության կարիքն ունի», «Մարմնավաճառները չեն կարող համաճարակի պատճառով օրենքից դուրս հայտարարվել» և այլն:
Այդ ցույցը կազմակերպվել է մարմնավաճառների գերմանական ասոցիացիայի կողմից: Հարցազրույցի ընթացքում ասոցիացիան նշել է, որ ցույցի շարժառիթն այն է, որ Շվեյցարիայում որոշ հասարակաց տներ արդեն բացվել են և «դրանք բաց են եղել ավելի քան մեկ ամիս, բայց դա չի հանգեցրել կորոնավիրուսով վարակվածների թվի աճի»: Ասոցիացիան նաև հայտարարել է, որ քանի դեռ հասարակաց տները մյուս կառույցների նման հետևում են անվտանգության կանոններին, օրինակ՝ դիմակներ կրելը, հաճախակի օդափոխությունը և այցելուների գրանցումը, դա չի հանգեցնի վարակման մեծ ռիսկի: Հակառակը՝ քանի որ մարմնավաճառները չեն կարողանում գումար վաստակել սովորական ձևով, նրանք ստիպված են լինում հաճախորդներ գտնել փողոցներում, ինչը շատ ավելի ռիսկային է առողջության և հիգիենայի համար:
Հասարակաց տների փակումը կարող է թուլացնել մարմնավաճառությունը, բայց ոչ՝ վերացնել: Հակառակը՝ դրա օրենքից դուրս զարգացումը կարող է ուժեղացնել վիրուսի տարածումը:
Հնարավոր է, որ հասարակության ճնշման պատճառով է, որ Գերմանիան օգոստոսի կեսին թույլատրել է բացել մայրաքաղաքային հասարակաց տները, բայց ֆիզիկական մտերմությունը դեռևս արգելված է եղել. արգելքը հանվել է սեպտեմբերի սկզբում:
Բեռլինը բաց է, ինչը նշանակում է, որ մյուս քաղաքներում նույնպես շուտով կբացվեն հասարակաց տները:
Կառլեն Մարտիրոսյան
