Մոծակների դեմ ցողաշիթը (սփրեյ) կարող է օգնել կորոնավիրուսի դեմ պայքարում
ՀԱՍԱՐԱԿՈՒԹՅՈՒՆ
Մոծակների դեմ ցողաշիթում պարունակվող նյութն արդյունավետություն է դրսևորել կորոնավիրուսի դեմ պայքարում: Այս մասին հաղորդել է Sky News-ը:
Մեծ Բրիտանիայի Պաշտպանական գիտության և տեխնիկայի լաբորատորիայի (Dstl) թեստերի արդյունքների համաձայն՝ միջատներին վանող միջոցներում պարունակվող ցիտրիդիոլը ոչնչացրել է նոր տեսակի կորոնավիրուսի շտամները: Գիտնականները նշել են, որ ցիտրիդիոլը չի փրկում COVID-19-ից, բայց կարող է օգտագործվել որպես լրացուցիչ պաշտպանական միջոց:
Ցիտրիդիոլի արդյունավետության մասին առաջին տվյալները ստացվել են դեռևս ապրիլին, ինչից հետո Dstl-ի մասնագետները զբաղվել են նյութի մանրակրկիտ ուսումնասիրությամբ: Citrefine International Ltd ընկերության գործադիր տնօրեն Ժակլին Ուոթսոնը Մեծ Բրիտանիայի կառավարությանը խնդրել է աջակցել թեստավորման պաշտոնական ծրագրին:
Նյութը հրապարակման պատրաստեց Լիլիթ Ամիրաղյանը:
