Արդյո՞ք եղունգները լաքից հանգստանալու կարիք ունեն
ԱՄԵՆԱԸՆԹԵՐՑՎԱԾ
«Արդյո՞ք եղունգները լաքից «հանգստանալու» կարիք ունեն» հարցի վերաբերյալ տարբեր կարծիքներ կան: Ոմանք գտնում են, որ լաքը չի ազդում եղունգների վիճակի վրա, մյուսներն էլ ասում են, որ գելային գործընթացներից հետո եղունգները բարակում, սկսում են շերտավորվել և այլն:
Հարցին փորձել է պատասխանել ամերիկացի հայտնի դերմատոլոգ Դանա Ստերնը ,ասելով.
«Մասնակիորեն ճիշտ է, որ լաքն ու ացետոն պարունակող լաքահանման միջոցները եղունգները չորացնում ու շերտատում են՝ առաջացնելով փոքր, բայց տհաճ խնդիրներ: Այդ իսկ պատճառով խորհուրդ է տրվում ժամանակ առ ժամանակ եղունգի լաք չօգտագործել: Եղունգների «հանգստի» ընթացքում ցանկալի է ձեռքերն ու ոտքերը մերսել, ինչպես նաև կուտիկուլային խոնավեցնող միջոցներ քսել»:
Եղունգների բարակությունն ու դրանց շերտատումը կարող են նաև վիտամինների պակասի և(կամ) լվացող միջոցների արդյունք լինել: Եղունգների վերականգնման համար ցանկալի է վիտամիններ, վիտամինային դիմակներ և բժշկական հատուկ քսուքներ կիրառել: Բացի դրանից, տան մաքրությամբ զբաղվելիս մի մոռացեք հատուկ ձեռնոցների առկայության մասին:
Նյութը հրապարակման պատրաստեց Լիլիթ Ամիրաղյանը:
