Ո՞վ է Պավլիկ Մանուկյանն իրականում. ինչո՞ւ է 2 անգամ կոչումնազրկվել և ո՞ւմ հրամանով էր 2008 թ. Ապարանում ցրել Լևոն Տեր-Պետրոսյանի ցույցը

Վահագն Աղաբեկյանը իր ֆեյսբուքյան էջում գրում է.

Տրամաբանական մի քանի դիտարկում:

1. Տեսե՛ք, Պավլիկ Մանուկյանը հայտարարում է, որ գնդապետ Վանոյանը մինչև վերջին փամփուշտը կրակել է: Ի՞նչ է դա նշանակում, որ զինված խումբը գնդապետին սպանել է այն ժամանակ, երբ վերջինս այլևս զենքով չէր կարող կրակել: Փաստորեն, դա չի եղել պաշտպանություն, գնդապետը վերջացրել է փամփուշտները, իսկ դուք սպանել եք նրան:

2. Շատ կարևոր փաստի վրա եմ ուզում մեր բոլորի ուշադրությունը հրավիրել:Անընդհատ հայտարարում են, որ զինված խումբը 25-26 մարդ է, սակայն միշտ լուսանկարներում ու տեսախցիկների առաջ 10-12 մարդ ենք տեսնում: Ի՞նչ է սա նշանակում, որ մնացած զինյալներին թո՞ւյլ չեն տալիս դուրս գալ, կարող է էդ մարդիկ է՞լ են պանտանդ: Կարծում եմ խմբի ներսում լուրջ տարակարծություն կա: Եվ դրա պարզ վկայություն է. Ժիրայր Սեֆիլյանի՝ Սերժ Սարգսյանի հրաժարականի պահանջից հետ կանգնելը: Խմբի մի մասը համամիտ է Սեֆիլյանի հետ, իսկ մի մասը՝ ոչ:

3. Չեմ հասկանում, ամեն օր ասում են. որ ոստիկաները հարձակվում են, ժողովո՛ւրդ ուշադրություն, շտապ է, հասե՛ք, փրկե՛ք, այնինչ պարզվում է, որ ամեն անգամ զինյալները կեղծ տեղեկություն է տրամադրում: Ճիշտ է՞ սա:

4. Այն, որ Պավլիկ Մանուկյանն Արցախի գոյամարտում իր ներդրումն է ունեցել, կասկածից վեր է, բայց չեմ հասկանում ինչո՞ւ է լռում և չի պարզաբանում այն տեղեկատվությունը, որ պատերազմի տարիներին նրան երկու անգամ կոչումնազրկել են և լեյտենանտից դարձրել են շարքային: Կարծում եմ արդար կլինի, որ նա պարզաբանում տա և ճշմարտությունը ներկայացնի:

5. Ի դեպ, 2008 թվականի Լևոն Տեր-Պետրոսյանի ցույցը Պավլիկ Մանուկյանը ցրել է Ապարանում, տեսնես ո՞ւմ հրամանով է նման բան արել և ո՞ւմ համար: Նման արարք անողը արդյո՞ք իրավունք ունի ցույցը ցրելու մասին խոսել:

Հ Գ. Կարծում եմ այս հարցադրումները պետք է տեղ գտնեն լրագրողների հարցաշարում և բարձրաձայնվեն, թե ով է իրականում Պավլիկ Մանուկյան «հերոսը»: