Ադրբեջանը «սև փողերով» ֆինանսավորում է Սաֆարովի գործը՝ մարդասպանին դարձնելով հերոս. Մհեր Շահգելդյանի ելույթը Ստրաստբուրգում
ՔԱՂԱՔԱԿԱՆՈՒԹՅՈՒՆ
Երեկ Ստրաստբուրգում Պանամական փաստաթղթերի վերաբերյալ զեկույցի քննարկման ընթացքում ելույթ է ունեցել «Հայկական վերածնունդ» խմբակցության պատգամավոր Մհեր Շահգելդյանը:
1or.am-ի հետ զրույցում պատգամավորը մասնրամասնեց, որ ելույթում անդրադարձել Ադրբեջանին՝ նշելով, որ որ լրջագույն խնդիր է, երբ մի երկիր, որն իրեն ներկայացնում է՝ որպես դեմոկրատիա կառուցող և որը փորձ կատարում ԼՂ-ի ժողովրդի ինքնորոշման իրավունքը ոտնահարել, այդ երկրի նախագահն իր ընտանիքով գտնվում է կոռուպցիոն սկանդալի մեջ է.
«Պանամական փաստաթղթերի շրջանակներում ամբողջ աշխարհին հայտնի դարձավ այն հսկայական հարստության, սեփականության ու ֆինանսական միջոցների վերաբերյալ, որ ադրբեջանի նախագահ Իլհամ Ալիևի ընտանիքը թաքցրել է իր ժողովրդից: Ադրբեջանը վերջին 25 տարիների ընթացքում անընդհատ խոսում է չակերտավոր փախստականների վերաբերյալ, որոնք բնակվում են վրանային ճամբարներում և գտնվում են շատ ծանր վիճակում: Հայաստանը, որի ռազմական բյուջեն 5 անգամ ավելի փոքր է Ադրբեջանի ռազմական բյուջեից, կարողացել է 500,000 իր փախստականների խնդիր այսօր լուծել՝ տեղավորելով նրանց բնակարաններում, իսկ Ադրբեջանն անընդհատ արհեստականորեն բարձրացնում է այս հարցը:
Որտե՞ղ են այն փողերը, որոնք պետք է գնային փախստականներին, իհարկե, դրանք այսօր գտնվում են Ալիևների օֆշորային գոտիներում: Ադրբեջանը մշտապես սև և մոխրագույն փողերով ֆինանսավորում է վարձկանների մասնակցությունն Արցախի ժողովրդի նկատմամբ հարձակումների ընթացքում և, մասնավորապես՝ քառօրյա ագրեսիայի ընթացքում:
Ադրբեջանն այդ փողերով ֆինանսավորում է «խավիարային» դիվանագիտությունը և միջազգային ասպարեզում տարբեր քաղաքական գործիչների կաշառելու պրոցեսը, և այսօր արդեն այդ մասին տեղեկությունները կան մասնավորապես իտալական մամուլում:
Ադրբեջանը սև և մոխրագույն փողերով ֆինանսավորում է Սաֆարովի գործը՝ մարդասպանին դարձնելով հերոս, և այսպիսի մոտեցումները բազմաթիվ են: Մի երկիր, որի նախագահը գտնվում է օֆշորային սկանդալի մեջ, ձգտում է ուժով պահել Ղարաբաղի ժողովրդի ինքնորոշման և ազատության իրավունքը, դա անթույլատրելի է:
Ես համոզված եմ, որ Պանամական փաստաթղթերն առաջինն են, սակայն ոչ վերջինը, մասնավորապես՝ Ադրբեջանի վերաբերյալ, և նոր տեղեկություններ օֆշորային այլ գոտիներից կհայտնվեն»:
