Մահ, ծեծ և ընտրակեղծիքներ

Ինչպես գիտենք այսօր ՏԻՄ ընտրություններ են նշանակված Գեղարքունիքի, Լոռու, Կոտայքի, Շիրակի, Սյունիքի և Վայոց ձորի թվով 377 համայնքներում:

Այդ համայնքներից ամենախոշորներում՝ Գյումրիում եւ Վանաձորում ավագանի են ընտրում: Վերջիններումս թերևս շարունակվում է թեժ ընտրապայքարը, ամենատարբեր օրինական և ոչ օրինական ճանապարհներով:

Վաղ առավոտից արձանագրվել և ֆիքսվել են տարատեսակ ընտրախախտումներ, թե՛ Գյումրիում և թե՛ Վանաձորում:

Թերևս պահպանվել են ավանդական խախտումները՝ կաշառքի, ուղղորդելու , քվեթերթիկը նկարելու, թանաքի վաղաժամ ցնդելու, ցուցակներում հանգուցյալներին ներգրավելու, ծանոթներին ներկա բացական անելու, գազելներով ընտրատարածք մարդ բերելու, սննդով ապահովելու, մարդկանց կուտակումներ ստեղծելու և նմանաօրինակ դեպքերը , բայց դրանցից հարկ ենք համարել առանձնացնել ամենաքննարկվողները:

Մասնավորապես ՝ Թրանսփարենսի Ինթերնեշնլ Հայաստան հակակոռուպցիոն կենտրոնն իր ֆեյսբուքյան էջում գրել էր, որ Վանաձորում «Հայկական վերածնունդ» կուսակցության համակիրները պարբերաբար խախտում են օրենքը 34/38 ընտրատեղամասում, կուսակցության համակիրները վկայականներ չունեն, կուսակցությունը ներկայանում է մեկ տասնյակից ավելի վստահված անձանցով, թեպետ այս տեղեկությունը լկտի սուտ է համարել կուսակցության անդամ՝ Հեղինե Բիշարյանը :

Գյումրու 27 դպրոցում տեղակայված թիվ 34/70 ընտրատեղամասում մեծ հերթ կար գոյացած, իսկ հերթը վերահսկում էին թաղի տղաները, այն դեպքում , երբ ընտրողների թիվը 15-ը գերազանցելուց հետո, չպետք է թողեն տեղամաս ընտրողներին, մինչև քանակը կպակասի:Թիվ 34/53 ընտրատեղամասում «Թրանսփարենսի ինթերնեյշնլ հակակոռուպցիոն կենտրոնի» դիտորդ Գուրգեն Կոստանյանի ինքնազգացությունը կտրուկ վատացել է, նրան շտապօգնության մեքենայով տեղափոխել են «Գյումրի» բժշկական կենտրոն, սակայն դիտորդի կյանքը փրկել չի հաջողվել: Գյումրու 34/27 ընտրատեղամասում քվեարկության ընթացքում կուսակցություններից մեկի վստահված անձ Արսեն Մանուկյանը նկատել է, որ քվեախցիկի վերեւի մասում տեսախցիկ է տեղադրված՝ տեսադաշտը հենց քվեախցիկը, վերջինիս վստահեցրել են, որ այն անջատված է, որից հետո տեսախցիկը շրջել են : Շրջանառվող լուրերի համաձայն՝ Գյումրիում տեղի ունեցող ընտրախախտումների «Հեղինակային բացառիկ իրավունքները» պատկանում ենք «Բալասանյան դաշինքին»:

Մի փոքր այլ է դրությունը Վանաձորում, թիվ 30/47 ընտրատեղամասում քաղաքացիական անձինք հարձակվել են araratnews.am կայքի լրագրող Շողիկ Գալստյանի վրա, խոչընդոտել նրա աշխատանքը, վիրավորել, ջարդել հեռախոսը, որով նա նկարահանումներ էր իրականացնում:

Իսկ ահա ՀԱԿ-ի վստահված անձ Կարեն Թովմասյանը Վանաձորի ընտրատեղամասերից մեկում նկարահանել է, թե ինչպես է ՀՀԿ-ի վստահված անձը իր մոտ գրանցում քվեարկած անձանց հասցեները, ինչն արգելված է Ընտրական օրենսգրքով: Իսկ 30/54 ընտրատեղամասում` Վանաձորի թիվ 30 դպրոցի արտաքին պատին ինքնասոսնձվող թղթի վրա, կարմիր գույնով նշված, վեց թիվը են նկատել Լուսավոր Հայաստան կուսակցության վստահված անձինք :