Կեր, Աղոթիր Եւ Զբաղվիր Սեքսով
ՖՈՏՈՉէ չէ, սա այն աղոթելը չէ, որ մտածեցիք: Սա հայտնի ֆիլմի այլափոխված վերնագիրն է: Կարծում եմ, ավելի նախընտրելի է առանց աղոթելու ուտել ու սեքսուալ դառնալ: Իսկ դա հնարավո՞ր է: Ասում են՝ այո, աֆրոդիզիակների շնորհիվ: Բառն առաջացել է հին հունական աստվածուհի Աֆրոդիտեի անունից: Աֆրոդիզիակները նյութեր են, որոնք պրովոկացնում և ուժեղացնում են սեքսուալ գրավչությունն ու սեռական ակտիվությունը, ի հակառակ անաֆրոդիզիակների, որոնք ճնշում ու փակում են սեքսուալ ախորժակը:
Եթե փոքրիկ ճամփորդություն անենք պատմության էջերով, կհայտնաբերենք Ֆեոֆրաստոսին: Նա նկարագրում էր հավելումներ, որոնց գործածումից հետո հնարավոր էր այնպես կենակցել, որ ի վերջո սերմնանյութի փոխարեն արյուն հոսի: Հանդիպում ենք նաև Ֆիլարքոսին. վերջինս պատմում էր, որ հնդկական թագավոր Չանդրագուպտայի ուղարկած նվերների մեջ կային այնպիսի ուժգին գրգռող միջոցներ ու նյութեր, որոնք սիրով զբաղվողին թռչնի բարձրություն ու անմարդկային եռանդ են պարգևում:
Բազմաթիվ սննդաբաններ պնդում են՝ մենք այն ենք, ինչ ուտում ենք: Ու իրոք, բոլորս էլ նկատում ենք, որ որոշ ուտեստներ ու խմիչքներ գործածելուց հետո տրամադություն է փոխվում, ինտիմ միջավայրի ցանկություն է առաջանում: Եվ այսպես. ո՞ր մթերքներն են «սպառնում» մեզ ցանկասիրության վերելքով:
*Համեմունքներ և հավելումներ
Կծու, բարկահամ սնունդը նույնպես սեքսուալ գրգիռներ է առաջացնում: Հատկապես, սև ու կարմիր պղպեղներով, կարրիով համեմված կծվահամ ուտելիքը արագացնում է նյութափոխանակությունը և նպաստում անոթներում արյան շրջանառության արագացմանը: Ուժեղ աֆրոդիզիակներ են համարվում նաև դարչինը (корица), մուշկի ընկույզը (мускатный орех), հիլը (кардамон), քրքումն (шафран) ու կոճապղպեղը (имбирь):
*Խոտաբույսեր
Դեռ հնուց հայտնի սիրաբեր խոտ էր համարվում օշինդրը: Նախկինում օշինդրի թրմօղին խառնում էին անիսոնի (анис) և սուսամբարի (майоран) յուղերի հետ ու աբսինթ (абсент) ստանում՝ 70-85 աստիճանի ալկոհոլային թնդության, վառ կանաչ գույնի, ուժգին էրոտիկ գրգիռներ առաջացնող խմիչք: Որոշ ժամանակ անց գիտնականները եզրակացրին, որ աբսինթը վնասակար է օրգանիզմի համար: Այժմ շատ երկրներում այն արգելված է:
Շատ հայտնի աֆրոդիզիակ է ժենշենի արմատը: Հին հնդկական գրվածքներում ասվում է, որ այն նույնիսկ ծեր տղամարդուն է ցլի ուժով օժտում: Ընդ որում, դրա արդյունքն ի հայտ է գալիս գործածելուց մի քանի օր հետո:
Մոտս այնպիսի տպավորություն է, որ սեքսուալությանն են նպաստում ամենադժվարընթերցելի, չճարվող ու «փախած» մթերքները: Ափսոս, որ կարտոֆիլի կամ գազարի միջոցով հնարավոր չէ շաբաթական 3-անգամյա սեքսը դարձնել օրական 2-անգամյա: Համացանցի հորձանուտում մասնագետների կարծիքներ պեղելիս պարզեցի, որ ուռոլոգների, դիետոլոգների ու սեքսոլոգների մի ստվար զանգված բոլոր այս մթերքների շուրջ աժիոտաժն անհիմն են համարում: Լիբիդոյի վրա աֆրոդիզիակների ազդեցությունը գիտականորեն ապացուցված չէ: Ու ժամադրությունից առաջ կարելի է կգ-երով մաղադանոս խժռել, դրանից էրեկցիայի որակը չի բարելավվի: Առավելագույնը կարելի է ինքնաներշնչման վրա հույս դնել: Ասենք, ժամադրությանն ուտել սև պղպեղով ու կարրիով համեմված բիֆշտեքս, մի գավաթ կարմիր գինի ըմպել ու ներշնչել, որ ըղձում ես դիմացիդ տղամարդուն:
*Բուսական սնունդ
Սիրառատ ֆրանսիացիները հարգանք են մատուցում կանկարին(այո այո, հայերենում նման բառ կա, ու այն ռուսերեն «артишок»-ն է): Նրանք պնդում են, որ այս բանջարեղենը «ջերմացնում է սեռօրգանները»: (Դե եկ ու հայ տղամարդուն համոզիր, որ կանկար համտեսի): Գրգռիչ ազդեցություն ունի նաև սպանախը (գրողը տանի, ո՞վ կսպասեր մեր հին ու բարի սպանախից նման անպատկառություն): Ի դեպ, ավոկադոն ու խուրման ևս «մեղադրվում են» տղամարդու սեռակտիվությանը նպաստելու գործում:
Լիբիդոն բարձրացնող հայտնի կանաչիներ են նեխուրը (сельдерей), որից Կազանովան էր օգտվում, մաղադանոսը (петрушка), գինձը (кинза): Հետ չի մնում նաև ծովաբողկը (хрен): Զգու՞մ եք՝ ինչպես է աչքի առաջ աճում ձեր լիբիդո…էէէ հայոց լեզվի բառապաշարը: Արևելքում գլուխ են հանում մարմնական սիրուց և մեծ քանակով են գործածում սոխն ու սխտորը: Դրանց բույրը, իհարկե, մեղմ ասած հակասեքսուալ է: Բայց դե ինչեր ասես, որ չես անի հանուն ձերդ մեծություն լիբիդոյի:
Ընկույզները, հատկապես հունականն ու նուշը, արևածաղկի ու դդմի սերմերը, քունջութը բարելավում են էրեկցիան, ակտիվացնում արյան շրջանառությունը, նպաստում տեստոստերոնի սինթեզին, կրճատում սեռական ակտերի միջև տևողությունը:
Փաստորեն, եթե այս բոլոր մթերքների՝ լիբիդոն բարձրացնող հրաշագործ ազդեցությունը կասկածի տակ է դրվում, ապա գուցե արժե առողջ նիհարելով կամ եղած քաշն առողջ պահելո՞վ սեքսուալ դառնալ: Բայց դա արդեն լրիվ այլ պատմություն է, որին մոտակա ապագայում առանձին կանդրադառնամ: Իսկ առայժմ՝ բարի…էէէ սեքսուալ ախորժակ եմ մաղթում բոլորին:
