«Քաղաքացիական որոշում» կուսակցությունը քաղաքական առումով իմպոտենտություն է դրսևորում
ՎԵՐԼՈՒԾՈՒԹՅՈՒՆՆԵՐ
Լենա Հովհաննիսյանն իր ֆեյսբուքյան էջում գրում է.
Այն, որ ցանկացած կուսակցություն ձգտում է իր տեղն ունենալ «արևի տակ» փաստ է: Սակայն, թե ինչպիսի միջոցներով այն կունենա իր այդ տեղը դեռևս հարցական է:
Այսօր լրատվական դաշտը բուռն կերպով տարածում էր՝ «Քաղաքացիական որոշում» կուսակցության հայտարարությունը, որով նրանք պահանջում էին դադարեցնել Գագիկ Ծառուկյանի պատգամավորական լիազորությունները: Ծիծաղելի է՝ չէ՞: Ինչ որ քաղաքական չկայացած ուժ, որն չունի ոչ ընտրազանգված (բացի իրենց բարեկամներից և ընտրազանգվածի բացակայությունը ապացուցվում է նրանով, որ նրանք այժմ Ազգային ժողովում չեն), և չունի քաղաքական անցյալ, ինչ-որ անհիմն պահանջներ է ներկայացնում՝ խեղաթյուրելով հանրության գիտակցությունը, քանի որ չունեն հստակ պատկերացում, թե ի՞նչ բան է հավատարմագրային կարգով սեփականությունը կառավարման հանձնելը և ի՞նչ բան է պատգամավորական գործունեությունը:
Հատուկ մեր «ասպետների» համար նշեմ, որ Գագիկ Ծառուկյանը ինչ սկսել է զբաղվել քաղաքականությամբ, իր բոլոր ձեռնարկությունները հանձնել է հավատարմագրային կառավարման և անձամբ չի զբաղվում դրանցով: Բայց միևնույն ժամանակ պետք է նշել, որ Ծառուկյանն անձամբ իրավունք ունի վերահսկել կապիտալը, ինչից ենթադրվում է, որ նրա ԱԺ-ում կատարված ցանկացած հայտարարություն այդ մասով, ամբողջապես օրենքի շրջանակներում է: Եվ այս դեպքում, խոսքը գնում է ցեմենտի գինը 10 հազար դրամով էժանացնելու մասին, ինչը ՔՈ փորձում է շահարկել և ներկայացնել, որպես օրենքի խաղտում:
Հարգելիներս, դա ոչ թե օրենքի խաղտում է, այլ պատգամավորական գործունեություն, ինչից դուք գաղափար չեք կարող կազմել, քանի որ դուք այդ գործունեությամբ երբեք չեք զբաղվել և գտնում եմ, չեք էլ զբաղվի: Ինչպես միշտ, այնպես էլ այս պարագայում Գագիկ Ծառուկյանը ներկայացրել է ժողովրդի կողմից առաջադրած հարցի պատասխանը, ինչը հիմնովին ընդգրկվում է պատգամավորական գործունեության շրջանակները, քանի որ պատգամավորը կոչված է բարձրաձայնելու և պատասխանելու ժողովրդի կողմից առաջադրված ցանկացած հարցի: Իսկ դիտարկման համար ասեմ, որ Գագիկ Ծառուկյանը միշտ էլ բարձրաձայնել ու պատասխանել է հարցերին, և ասեմ ավելին, նա միշտ էլ փորձել է լուծումներ տալ բարձրաձայնված հարցերին:
Հարգելիներս, պետք չի ինչ որ էժանագին մանիպուլիացիաների դիմել դա քաղաքականապես ոչնչանալու ամենակարճ ճանապարհն է: Փորձեք Ձեր գործունեությունը ամրապնդել կայուն գործերով և ինչ որ նշանակալի գործ կատարեք պետության համար, ինչպես դա անում է Գագիկ Ծառուկյանը, միգուցե այդ դեպքում կկարողանաք կենտրոնանալ և թացը տարբերել չորից:
