Որոշումը, որի արդյունքում 1150 ՀՀ քաղաքացի դառնալու է գործազուրկ, հակապետակա՞ն է, թե՞ ոչ պարոն Թունյան...

Սոֆյա Ասատրյանն իր ֆեյսբուքյան էջում գրում է.

Բաբկեն Թունյանը զբաղեցնում է ԱԺ տնտեսական հարցերով մշտական հանձնաժողովի նախագահի պաշտոնը, չնայած նրա մոտ իսպառ բացակայում են մասնագիտական որևէ հմտություն և գիտելիք։ Հիշեցնեմ, որ օրերս Թունյանի որոշմամբ ցեմենտի ներկրման հետ կապված օրինագծից հանվեց «կլինկերի նկատմամբ նույնպես պետական տուրք սահմանելու որոշումը» և հիմա այդ չարաբաստիկ սխալի պատճառով ավելի քան 2000 ընտանիքի ճակատագիր վտանգի տակ է։ Բանն այն է, եթե կլինկերի նկատմամբ չսահմանվի պետական տուրք, ապա տեղական ցեմենտ արտադրող ընկերություններն ուղղակիորեն չեն կարողանա դիմանալ մրցակցային դաշտում և կամ կլուծարվեն կամ ևս ստիպված կլինկեր կներկրեն , ինչի արդյունքում 2000 մարդ կմնա բախտի քմահաճույքին։
ԱԺ ԲՀԿ խմբակցության պատգամավոր Միքայել Մելքումյանն այս որոշումն անվանեց հակապետական։ Ըստ իս Մելքումյանն ունի բոլոր իրավունքներն այդ բառն օգտագործելու , քանզի Թունյանի որոշման հետևանքով ի հայտ են եկել նոր վտանգներ՝
1․ Մրցակցային պայմանների իսպառ բացակայության դեպքում ներկայիս տեղական արտադրողներն ուղղակիորեն կդադարեն գոյություն ունենալ, ինչի հետևանքով պետական բյուջեն կզրկվի հսկայական քանակությամբ հարկերից։
2․ Աշխատանքից ազատվածների մեծ մասը կբռնի արտագաղթի ճանպարհը և իր կյանքը կփորձի կառուցել օտար հողի վրա։
3․ Արտասահմանցի ներդրողը տեսնելով որ պետությունը չի խրախուսում անգամ տեղական արտադրողին, այլևս չի ցանկանա իր գումարները ներդնել ՀՀ տնտեսության մեջ։
Ի պատասխան Միքայել Մելքումյանի Թունյանն իր ֆեյսբուքյան էջում գրել է ՝ «Նոր լսում եմ՝ Միքայել Մելքումյանն ասում է՝ ԱԺ տնտեսական հարցերի մշտական հանձնաժողովը ՀԱԿԱՊԵՏԱԿԱՆ որոշում է ընդունել (ցեմենտի պետտուրքի հարցով): Հակապետական... Մեզ է ասում... Միքայել Մելքումյանն է ասում...» ։ Ըստ իս նմանատիպ հեգնական գրառումը սազական չէ օրհենսդիր մարմնի ներկայացուցչին, եթե կա առարկություն հիմնավոր կերպով ներկայացնել էր պետք, իսկ նման գրառումով Բաբկենը թողնում է բացասական տպավորություն։ Ամենինչ ակնհայտ է, և պարզ է արդեն հակապետական է արդյոք այդ որոշումը , թե՞ ոչ․․․