Աջակցելով Փաշինյանին՝ Ծառուկյանը աջակցում է ամբողջ ժողովրդին

Լենա Ավետիսյանը ֆեյսբուքյան իր էջում գրում է.

Հոկտեմբերի 8-ը հեղափոխական Հայաստանում կարելի է համարել պատմական օր, հենց այս օրը երկրի երկու հզոր ուժերը՝ ՀՀ վարչապետ Նիկոլ Փաշինյանն ու ՀՀ ԱԺ «Ծառուկյան դաշինք» խմբակցություն ղեկավար Գագիկ Ծառուկյանը, ստորագրեցին մի հուշագիր, որը մշուշից ազատեց հայաստանյան քաղաքական դաշտը։ Հուշագրում տեղ գտած կետերից յուրաքանչյուրը կգործի ի օգուտ ՀՀ քաղաքացիների։ 
Առաջին կետում ասվում է, որ կողմերը համակարծիք են, ԱԺ ընտրությունները դեկտեմբերին անցկացնելու վերաբերյալ։ Ինչը փաստում է, որ Ծառուկյանը ի սկզբանե դեմ չի եղել այս գաղափարին, ու կարծում եմ, որ ամեն ինչ կանի՝ Աժ ընտրությունները պատշաճ կազմակերպելու համար։
Երկրորդ կետով ասվում է, որ «Ծառուկյան դաշինք» խմբակցությունը, որպես հեղափոխության աջակից ուժ, չի առաջադրի վարչապետի այլ թեկնածու, ու չի սատարի մեկ ուրիշին։ Այս կետը ապացույցն է այն բանի, որ Ծառուկյանը ոչ միայն հեղափոխության աջակից ուժ է, այլև աջակցում է Փաշինյանին, երկրի հետագա կառավարման հարցում, իսկ Փաշինյանը ժողովրդի թեկնածուն է, հետևաբար աջակցելով Փածինյանին՝ Ծառուկյանը աջակցում է ամբողջ ժողովրդին։
Ընտրությունների անցկացման որակի մասին կետը երրորդն է։ Կարծում եմ սրա մասին խոսելու անհրաժեշտություն չկա, քանի որ գործ ունենք կայացած ուժերի հետ, հատկապես Ծառուկյանի ղեկավարած դաշինքը, որը արդեն ունի նման փորձ, ու դժվար չի լինի գրագետ նախընտրական արշավի կազմակերպումը։
Կարծում եմ կետը, որին պետք է խորապես անդրադառնալ, չորրորդն է։ 
Չկա մարդ, ով չգիտի, թե Ծառուկյանն ինչ հսկայածավալ աշխատանքներ է տարել ու տանում օտարերկրյա ներդրումներ ներգրավելու համար։ Արդեն իսկ կան այդ ներդրումները, ու դեռ մեծ ծավալի ներդրումներ էլ կլինեն։ Իսկ այդ օտարերկրյա ներդրումները Ծառուկյանի անձի նկատմամբ եղած վստահության արդյունքն է։ Ներդրումները, ինքնըստինքյան, նպաստում են աշխատատեղերի ավելացմանը, ինչն էլ լավացնում է երկրում սոցիալ տնտեսական վիճակը։ Հեղափոխությունից հետո, Ծառուկյանը ակտիվորեն զբաղվել է օտարերկրյա ներդրումների ներգրավմամբ, ու նրա ձեռնարկած գործերն են, որ հաջողություններ են հասել։
Հուշագիրը, որը վկան է այս երկու ուժերի գործակցությանը, կրկին անգամ փաստում է, որ Ծառուկյանը ինչպես կար, այնպես էլ կմա ժողովրդի կողքին, ու կողմ կլինի ՀՀ քաղաքացու յուրաքանչյուր որոշման։