Իսկ ի՞նչ է արել Լենա Նազարյանը, քան որոշ դրվագներում ֆիզիկական ներկայություն ապահովելը
ՀԱՍԱՐԱԿՈՒԹՅՈՒՆ
Գուրգեն Սահակյանը ֆեյսբուքյան իր էջում գրում է.
Վերջերս շատացել են այն խոսակցությունները, որ ոմանք փորձում են փայ մտնել համաժողովրդական շարժման հաղթանակին, կամ ոմանք փորձում են մենաշնորհի վերածել այն: Պետք է նշենք սակայն, որ նմանատիպ խոսակցություններն հիմնականում արհեստածին են, որոնք կրկին անգամ միտված են հանրության տրամադրությունների վրա ազդելուն՝ կոնկրետ քաղաքական ուժի կամ գործչի դեմ այն ուղղելու համար: Համաժողովրդական շարժաման գրանցած հաղթանակն այս առումով, որոշ գործիչներ, ովքեր քաղաքական հմտություններից ու առհասարակ քաղաքական դատողություններ անելու ունակությունից զուրկ են, դարձրել են դրոշակ, ամեն տեղ ինչ-որ բան համոզելու համար, մեջբերում են դա, վերագրելով այն բացառապես իրենց և իրենց թիմի հաղթանակի, այդկերպ կրկին անգամ տարանջատելով հասարակությանը և թույլ չտալով համախմվել մեկ ընդհանուր քաղաքական օրակարգի շուրջ: Այդ գործիչներից վերջերս ամենաշատը աչքի ընկածը բախտի բերմամբ «ԵԼՔ» խմբակցության ղեկավար դրված Լենա Զազարյանն է: Ըստ Լենա Նազարյանի, շարժմանը աջակցելու կամ դրան օժանդակելու վերաբերյալ ոչ ոք չպետք է բարձրաձայնի, որովհետև բոլորն էլ աջակցել են դրան: Համաձայն ենք, բայց ի գիտություն Նազարյանի պետք է նշեմ, որ հենց իր նման «գործիչների», հասարակությանը բարիկադների դեմ կանգնացնելու անընդունելի գործելաոճի շնորհիվ է, որ նման հայտարարություններ անելու անհրաժեշտություն է ծագում, հակառակ դեպքում նրա նմանների կողմից ապատեղեկատվություն մատուցելու պրոցեսը, հանգեցնելու է մի իրավիճակի, երբ պարզվելու է, որ շարժման հաղթանակը մենաշնորհվել է հենց իրենց թիմի կողմից: Սա մեծ հաշվով նաև արջի ծառայություն է սեփական թիմին, դա հետագայում կարող է շատ ավելի վատ հետևանքներով ի հայտ գալ, և այս պարագայում բացարձակ էական չէ, թե նմանատիպ հայտարարություններն ու արտահայոտւթյունները արվում են գիտակցաբար, թե ինքնաբերաբար, արդյունքը վերջնական, մեկն է լինելու:
Մեկ, երկու, երեք նմանատիպ դրսևորում, հանրությունն արդեն իսկ կհասկանա, որ նման կոչերն ու հայտարարությունները, ոչ այլ ինչ են քան հասարակությանը պառակտելու փորձ, այդ դեպքում ներողություններն ու լիդերից ակնկալվելիք պաշտպանությունը, կարող է բավականին ուշացած լինել:
Իմիջայլոց Ծառուկյանի օրերս տված հացազրույցի որոշ մեջբերումներից սրտնեղած Նազարյանը, հիշողությունը թարմացնելու խնդիր ունի, քանի որ մոռացության մատնել այն հանգամանքը, որ Ծառուկյանը մեծ ավանդ է ունեցել շարժման ողջ պրոցեսի և դրա տրամաբանական հանգուցալուծման գործում, առնվազն արդար չէ ու ամպագորգոռ հայտարարությունները դրան դեմ ուղղված, ոչ մի արդյունք չեն կարող տալ, բոլորն էլ տեղյակ են, թե ով ինչ է արել այդ օրերին, իսկ ինչ է արել Լենան առհասարակ, բացի երբեմն ֆիզիկական ներկայություն ապահովելուց: Այ սա հարց է, որն անշուշտ պետք է մտահոգի հենց իրեն:
