Ինչն է մարդկանց դարձնում սերիական մարդասպան. գիտնականներ

Գլազգոյի համալսարանի հետազոտողները վերլուծել են սերիական մարդասպանների, այդ թվում՝ Անդրես Բրեյվիկի և Հարոլդ Շիմպանի նորությունների հաղորդագրությունները և իրավաբանական ֆայլերը: Վերլուծության արդյունքները հրապարակվել են Aggression and Violent Behavior ամսագրում:

Բրեյվիկը մեղավոր է ճանաչվել ավելի քան 77 մարդու սպանության համար: Բժիշկ Շիմպանի զոհերի ենթադրյալ թիվը հասնում է 250-ի:

Գիտնականները պարզել են, որ նրանց մեծ մասը տառապել է կոնկրետ հոգեկան խանգարումներով կամ մանկական տրավմաներով:

Օրինակ՝ պարզվել է, որ հայտնի սերիական մարդասպանների մոտ 28%-ը տառապում է աուտիստիկ սպեկտրի խանգարմամբ, շատերը՝ գանգուղեղային վնասվածքներով և հոգեբանա-սոցիալական խանգարումներով:

Միևնույն ժամանակ, աուտիստիկ սպեկտրի խանգարմամբ տառապում է 100 մարդուց մեկը, իսկ երիտասարդ տարիքում գանգուղեղային վնասվածք ստանում է մոլորակի յուրաքանչյուր հինգերորդ բնակիչ:

Աուտիստիկ սպեկտրի խանգարում կամ գլխի վնասվածք ունեցող մարդասպանների կեսից ավելին մանուկ ժամանակ սեռական կամ ֆիզիկական բռնությամբ կամ ծնողների բաժանությամբ պայմանավորված՝ հոգեբանական սթրես են տարել: Այդպիսով՝ աշխարհում սերիական մարդասպանների ավելի քան 10%-ը գլխի վնասվածք է ունեցել, մոտավորապես նույնքան մարդկանց մոտ հայտնաբերվել են աուտիզմի նշաններ: Այդ համադրությունը կարող է ձևավորել զանգվածային սպանությունների հակված անհատի:

Սակայն աննորմալ դաժանության են հանգեցնում շատ այլ գործոններ ևս, օրինակ՝ անհատի նարցիստական խանգարումը:

Շոտլանդացի գիտնականների ուսումնասիրած 239 մարդասպանների 28%-ն ունեցել է աուտիստիկ սպեկտրի հնարավոր խանգարում ախտորոշումը, նրանց 7%-ը ևս գլխի վնասվածք է ունեցել:

Ավելի քան 21%-ն ունեցել է ախտորոշված կամ կասկածվող գանգուղեղային վնասվածք, որոնց 13%-ը՝ աուտիզմի որոշակ նշաններով:

Աուտիստիկ սպեկտրի խանգարում կամ գլխի վնասվածք ունեցող 106 մարդասպանների 55%-ը հոգեսոցիալական սթրեսներ է տարել: