Յոհան Կրուիֆը մահացել է
ՍՊՈՐՏ
Այսօր 68 տարեկան հասակում մահացել է լեգենդար հոլանդացի ֆուտբոլիստ Յոհան Կրուիֆը: Վերջին 5 ամիսների ընթացքում կատալոնական «Բարսելոնայի» եւ Հոլանդիայի հավաքականի նախկին ֆուտբոլիստը պայքարում էր թոքերի քաղցկեղի դեմ:
«Այսօր՝ 2016 թվականի մարտի 24-ին, քաղցկեղի դեմ դժվարին պայքարից հետո Բարսելոնում իր ընտանիքի անդամներով շրջապատված մահացել է Յոհան Կրուիֆը: Մեծ տխրությամբ խնդրում ենք ձեզ հարգել ընտանիքի անձնական կյանքի իրավունքը»,-Կրուիֆի պաշտոնական կայքի հայտարարությունն է փոխանցում Marca-ն:
Յոհան Կրուիֆը 3 անգամ արժանացել է «Ոսկե գնդակի»` 1971, 1973 եւ 1974 թվականներին:
Մեծ հաջողությունների հասել 1964-1973 թթ՝ «Այաքսում» եւ 1973–1978 թթ «Բարսելոնայում» հանդես գալու, ինչպես նաեւ հետագայում այդ թիմերը մարզելու տարիների ընթացքում:
Հոլանդիայի ազգային հավաքականի կազմում նա մասնակցել է 48 խաղի եւ դարձել 33 գոլի հեղինակ:
