Կարպիս Թիթիզյանի «Հայաստան» նախագծի փայլուն իրականացումը Գաբի Գալոյանի բեմական կատարելությամբ. տեսանյութ
ՄՇԱԿՈՒՅԹPAST.am-ը գրում է.
Օրերս Երևանի ժամանցի վայրերից մեկում երգչուհի Գաբի Գալոյանը փայլեց իր բեմական կատարելությամբ: «GLOBAL ARTS» ընկերության և «LEVON TRAVEL» կազմակերպության նախագահ` ամերիկաբնակ Կարպիս Թիթիզյանը հերթական անգամ չէր սխալվել՝ տաղանդաշատ Գաբիին, կենդանի նվագախմբի հետ միասին ներկայացնելու երևանաբնակ հասարակությանը:
Լեփ- լեցուն սրահում մեծամասնություն էին կազմում նաև սփյուռքահայ գործարարներ ու անվանի կազմակերպությունների ներկայացուցիչներ, ովքեր պարբերաբար կատարումների արանքում բրավոներ էին բացականչում: Ռեժիսյոր Արթուր Մանուկյանը՝ ով պատասխանատու էր համերգի իր հատվածի համար, գեղեցիկ կերպով ներկայացրեց «Հայաստան» երգի էկրանավորված տարբերակը : Մենահամերգը կուլմինացիոն գագաթնակետին հասավ, երբ երգչուհին հանդիսականին հայտարարեց, որ կկատարի իր երգացանկի ֆավորիտ երգերից մեկը, որն իրեն սովորեցրել է պրոդյուսեր Կարպիս Թիթիզյանը: Երգի կատարումն արժանացավ ծափողջույնների ու բուռն արձագանքների : Վայելքի րոպեները ավարտին էին հասնում և բերում նրան, որ հրավիրյալները կամենային արտահայտվել :Թերևս ներկայացնենք մի քանի պատվավոր հյուրերի կածիքներն ու տպավորությունները :
Արսեն Գրիգորյան (Մրո ), ով նաև զուգերգով հանդես եկավ և միաժամանակ որպես երաժշտագետ մասամբ օգնել էր Գաբիին երգացանկի ընտրության հարցում ` բծախնդիր կերպով ընտրելով հայ մաքրամաքուր երաժշտության ամենաթանկ գոհարները :
«Շատ եմ հավանում Գաբիի ձայնային տվյալները, կատարողանությունը : Երգարվեստում նա ճիշտ ճանապարհի վրա է , հետագայում կունենա ձեռագիր , որը հատուկ կլինի միայն իրեն : Երգացանկը հարուստ էր , բազմաբովանդակ , ինքը նաև մտածող, խորհրդատվություն հարցնող անհատ է : Երգիչ լինելու համար միայն աստվածային շնորհը բավարար չէ , աշխատասիրություն է պետք, որը նրա մոտ առկա է»:
Միքայել Պողոսյան.
«Ընդհանրապես երգը , մշակույթը , հայ մարդու և ազգապահպանման համար շատ կարևոր դեր է ունեցել : Ներկայիս հայ երգը վերածվել է խառնիճաղանջության ու ահա հայտնվել է մի երգչուհի՝ Գաբին և պրոդյուսերական գրագետ աշխատանքի արդյունքում ճիշտ ուղղության վրա է նրա գործունեության սկիզբը: Էթնո - փոփը իրենն է լիովին : Երկու ժամից ավել մեզ պահեց վայելքի մեջ : Ամեն ինչ ներդաշնակ էր բեմում` կիրթ խոսք , արտիստիկ պահվածք , անմիջականություն և լավ ու նոր երաժշտական մեկնաբանություն՝ արդեն իսկ մեր լսած երգերի: Ես նրան ասացի , որ ուխտ վերցնի , որպեսզի երգի միայն հայալեզու ու հայկական ակունքային երգեր : Լավ կլինի այդ առաքելությունը կատարի , այդկերպ կլինի եզակի արվեստի այդ ճյուղում»:
Աշոտ Ղազարյան .
«Նա փայլուն ներկայացրեց մեր հայկական երգը , որը հարուստ է և ունի ճյուղեր: Հանդիսատեսը երաժշտական խրախճանքի մեջ էր : Շնորհակալություն Global Arts - ի տնօրեն Կարպիս Թիթիզյանին մեզ՝ ժող. երգի հոգևոր ուժը փոխանցելու համար»:
ՀՕՄ - ի պատասխանատու Ջասիկ Բունիաթյան.
«Արտակարգ , եզակի ձեռնարկ էր , հայկական հոգի , եռանդ , ուժ կար , որը մեզ էր փոխանցվում: Ժողովուրդը խանդավառված էր , ապրում էին երգով : Մենք 120 հոգով եկել ենք Երևան և ուրախ ենք մենահամերգին ներկա լինելու համար : Ընդհանրապես Կարպիսը տեղյակ մեկն է այդ երաժշտական ոլորտից ու հրաշալի կերպով՝ ճիշտ ընտրված երգչուհին, մեզ պահեց հաճելի զգացողությունների մեջ: Շատ թովչանքով , գրավիչ հատկանիշներով օժտված աղջիկ էր , ղեկավարում էր բեմը , լուսավոր ապագա է սպասվում նրան»:
Past.am-ը մեծ առաջընթաց է մաղթում երիտասարդ երգչուհուն, ում առաջին մենահամերգը ամենաբարձր գնահատականների արժանացավ հանդիսատեսի կողմից: Հավելենք, որ Գաբի Գալոյանը «Հայաստան» նախագծով մենահամերգների է մեկնելու ԱՄՆ նաև Արցախ և այլ սփյուռքահայ գաղթօջախներ:
