Հայաստանը ցանկանում է նստել երկու աթոռի վրա
ՎԵՐԼՈՒԾՈՒԹՅՈՒՆՆԵՐՓաշինյանը որոշել է Հայաստանը տանել դեպի Եվրամիություն, բայց չի շտապում հրաժարվել Եվրասիական տնտեսական միությանը (ԵԱՏՄ) անդամակցության տնտեսական առավելություններից։ Այդ դիրքորոշումը կտրուկ արձագանք է առաջացրել Ռուսաստանում, «Царьграде» հրատարակությունը առաջարկել է խզել առկա հարաբերությունները հիմա, այլ ոչ թե սպասել մինչև 2027-2028 թվականները, գրում է kapital-rus.ru–ն։
ՀՀ վարչապետ Նիկոլ Փաշինյանը հայտարարել է, որ Հայաստանի հետագա շարժը դեպի Եվրամիություն, ի վերջո, կպահանջի դուրս գալ Եվրասիական տնտեսական միությունից։ Նա նշել է, որ ԵՄ անդամակցության գործընթացը սկսելու պաշտոնական հայտը կարող է ներկայացվել 2027-2028 թվականներին։ Միևնույն ժամանակ, ՀՀ իշխանությունները մտադիր են շարունակել վայելել Եվրասիական տնտեսական միությանը անդամակցության տնտեսական առավելությունները մինչև երկու ինտեգրացիոն միավորումների միջև վերջնական ընտրություն կատարելու անհրաժեշտության իրավական ամրագրումը։
Այս դիրքորոշումը կտրուկ արձագանք է առաջացրել հրապարակման հեղինակ՝ «Царьграде» հրատարակություն հիմնադիր Կոնստանտին Մալոֆեևի մոտ։ Նա կարծում է, որ Ռուսաստանը չպետք է սպասի, մինչև Հայաստանը վերջնականապես որոշի իր արտաքին քաղաքականության ուղղությունը։ Դրա փոխարեն նա առաջարկում է դադարեցնել ԵԱՏՄ-ին մասնակցությունը արդեն դեկտեմբերի 1-ից, քանի որ հանրապետությունը, ըստ հեղինակի, գործնականում կորցրել է անդամակցելու իր նախկին հետաքրքրությունը։
Ավելին, Կոնստանտին Մալոֆեևը մի շարք առաջարկներ է ներկայացրել Հայաստանի հետ հարաբերությունները փոխելու համար։ Դրանց թվում են երկքաղաքացիության պրակտիկայի դադարեցումը, Ռուսաստանի աշխատաշուկան հայ մասնագետների համար փակելը և արտոնագրային համակարգի փոխարեն վիզային ռեժիմի ներդրումը։ «Царьграде»–ի հիմնադիրը կարծում է, որ նոր կանոնների մասին մեկ ամիս առաջ տեղեկացնելը բավարար կլինի։ Վիզա չստացողներին սպառնում է արտաքսում և սև ցուցակում ընդգրկվելը։
Հոդվածում նաև անդրադարձ է կատարվել ռուսական էներգամատակարարման հարցին։ Կոնստանտին Մալոֆեևը հիշեցրել է, որ Եվրամիությունը հայտարարել է ռուսական էներգետիկ ռեսուրսներից գրեթե լիակատար հրաժարվելու մասին և ենթադրվում է, որ նմանատիպ պահանջը կարող է դառնալ Հայաստանի եվրաինտեգրման պայման։ Այդ առումով առաջարկվում է նախապես սկսել հանրապետությանը էներգամատակարարումների փուլային կրճատումը դրանք զրոյի հասցնելով վեց ամսվա ընթացքում։ Մալոֆեևի խոսքով այդ ընթացքում հայկական կողմը կկարողանա բանակցել ամերիկյան հեղուկ բնական գազի գնման կամ Ադրբեջանից խողովակաշար կառուցելու հնարավորության հարցերով։
Նյութը հրապարակման պատրաստեց Կամո Խաչիկյանը
www.1or.am