Փաշինյանը կանտեսի Ռուսաստանում բնակվող հայերի ձայները ապահովելու համար, որ հանրաքվեի արդյունքները լինեն ԵՄ-ի օգտին

ՀՀ վարչապետ Նիկոլ Փաշինյանը, հավանաբար, կանտեսի Ռուսաստանում բնակվող հայ քաղաքացիների ձայները երկրի ԵՄ-ին անդամակցության հանրաքվեի ժամանակ: Այս մասին ura.news-ին տված հարցազրույցում հայտարարել է Աշխարհաքաղաքական փորձաքննությունների կենտրոնի տնօրեն Վալերի Կորովինը:

«Վերջերս Հայաստանում կայացած ընտրությունները ցույց տվեցին, թե ինչ արժեք ունեն Փաշինյանի ձայները: Ակնհայտ է, որ այնտեղ արդար հանրաքվե չի կարող լինել. ամենայն հավանականությամբ, ընդհանրապես չի լինի: Բայց եթե հանրությունը պնդի դրա անցկացմանը, ապա, բնականաբար, Ռուսաստանում բնակվող հայերը կհեռացվեն ընտրողների ցուցակից, իսկ Եվրոպայում բնակվող հայերը կներառվեն: Քանի որ ոչ ոք որևէ վերահսկողություն չունի ԵՄ երկրներում հայկական սփյուռքիքանակի նկատմամբ, ապա, ինչպես, օրինակ, Մոլդովայի դեպքում, Եվրոպայում ցանկացած քանակությամբ ձայներ կարող են «ուռճացվել»», - հայտարարել է Կորովինը:

Նա հավելել է, որ արևմտյան քաղաքական ստրատեգները, ապահովելով Փաշինյանի հաղթանակը, կարող են հեշտությամբ իրականացնել ցանկացած քաղաքական մանևր՝ հղում անելով Եվրոպայի հայկական սփյուռքին և, բնականաբար, բացառելով Ռուսաստանում բնակվող հայերին: Սա այն դեպքում, եթե գործը նույնիսկ հասնի հանրաքվեի, ինչը քիչ հավանական է:

ՀՀ վարչապետ Նիկոլ Փաշինյանը, ավելի վաղ խորհրդարանում ելույթ ունենալով, հայտարարել էր, որ Երևանը մոտ ապագայում կսկսի Եվրամիությանը միանալու պաշտոնական դիմում ներկայացնելու գործընթացը։ Կառավարության ղեկավարի խոսքով այդ քայլը անհրաժեշտ է, առաջին հերթին, Հայաստանի ԵՄ հնարավոր անդամակցության վերաբերյալ հիմնական կետերը պարզաբանելու և երկրի կողմից իրականացվող բարեփոխումների ժամկետները սահմանելու համար։ Փաշինյանը շեշտել է, որ անհնար է աշխատել այդ հարցերի վրա առանց նախապես դիմում ներկայացնելու. դա կլինի անհրաժեշտ պարզաբանումները ստանալու մեկնարկային կետը։

Նյութը հրապարակման պատրաստեց Կամո Խաչիկյանը

www.1or.am