6 պարզ քայլ, որոնք կօգնեն բարձրացնել ինքնագնահատական ու հաջողակ դառնալ
ՖՈՏՈ
Նորմալ ինքնագնահատականը հաջողակ կյանքի երաշխիք է: Ցավոք շատ մարդիկ տառապում են ցածր ինքնագնահատականի պատճառով:
Որտեղից է այդքան մարդկանց մոտ ցածր ինքնագնահատականը: Բոլոր պատճառները պետք է փնտրել մանկության մեջ:
Ցածր ինքնագնահատականի պատճառ հանդիսանում են առաջին հերթին մտերիմ մարդիկ և ընկերները: Ինքնագնահատականը մարդկանց մոտ ձևավորվում է մանուկ հասակում, հիմնականում 3-6 տարեկանում: Այսինքն` առաջին անգամ դպրոց է գնում արդեն ամբողջությամբ ձևավորված անհատ, որը կարողանում է ինքն իրեն գնահատել, օբյեկտիվորեն ընդունել իր ուժերն ու հնարավորությունները:
Հիմնական դերը անձի ինքնագնահատականի ձևավորման գործում խաղում են ծնողները: եթե երեխան ունի ցածր ինքնագնահատական, դրա հիմնական մեղավորները ծնողներն են, նրանց տված սխալ դաստիարակությունը: Եթե դուք զգում եք, որ ձեր ինքնագնահատականը ցածր է, պետք չէ մեղադրել միայն ինքներդ ձեզ:
Ինքնագնահատականի բարձրացումը հեշտ չէ, բայց լուծելի է: Դուք պետք է իրականացնեք հետևյալ քայլերը:
-Հասկացեք, որ ինչ-որ մեկին մեղադրելը ելք չէ: Մեղքը ուրիշի վրա գցելով՝ դուք չեք լուծի որևէ կարևոր խնդիր: Մանուկ հասակում ձեր հետ կարող էր կատարվել ամեն ինչ, բայց այժմ դուք հասուն մարդ եք և միայն դուք ինքներդ եք պատասխանատվություն կրում ձեր կյանքի համար: Ամենակարևոր բանը, որ պետք է անեք, փոփոխվելու մասին որոշում ընդունելն է և գործել սկսելը:
- Գիտակցեք, որ ցածր ինքնագնահատականով մարդիկ չեն կարող իրենք իրենց գնահատել ադեկվատորեն: Ձեր մասին կարծիքը դուք ձևավորում եք ձեզ շրջապատող մարդկանց կարծիքի հիման վրա: Սակայն դա սխալ է: Ձեր մասին ադեկվատ կարծիք ձևավորելուն կարող են օգնել ձեր մտերիմներն ու հարազատները, ձեր իսկական ընկերները, որոնք միայն ձեր լավն ու բարին են ցանկանում և երբեք ձեզ չեն խաբի:
- Վերհանելով ձեր ուժեղ կողմերը, սկսեք դրանք զարգացնել: Իսկ թույլ կողմերի վրա պետք չի ֆիքսվել: Հիշեք, որ իդեալական մարդիկ չկան և դուք նույնպես բացառություն չեք: Սովորեք գնահատել ինքներդ ձեզ նրա համար, ինչ դուք կարողանում եք անել, իսկ ինչը ձեզ մոտ չի ստացվում, վերաբերվեք հումորով:
-Թույլ տվեք ձեզ սխալվել: Յուրաքանչյուր մարդ սխալվելու իրավունք ունի: Եվ եթե ինչ-որ բան սխալ է արվել, պետք չի դրանից ողբերգություն սարքել: Կարևորը՝ ձգտել դա ուղղել ժամանակին:
-Մի ձգտեք բոլորին դուր գալ: Ձեր շրջապատում հաստատ կարող են լինել մարդիկ, որոնք վատ են տրամադրված ձեր հանդեպ: Սակայն դա նրանց խնդիրն է: Ձգտեք ավելի շատ շփվել նրանց հետ, ովքեր ձեզ գնահատում են և հարգում են:
-Եթե ձեր ցածր ինքնագնահատականի պատճառը որոշ ֆիզիկական առանձնահատկություններն են, սովորեք ինքներդ ձեզ զգալ յուրահատուկ: Ամենալավատես մարդիկ կարողանում են իրենց ֆիզիկական թերությունները վերածել առավելությունների: Սովորեք նրանցից:
