«Երևանը դառնում է ՆԱՏՕ-ի Կենտրոնական Ասիա առաջխաղացման բանալին»

Հայաստանն ու Ղազախստանը միավորվում են մեկ բլոկի մեջ ոչ միայն Եվրասիական ինտեգրացիոն նախաձեռնությունները խափանելու, այլ նաև Կովկասում և Կենտրոնական Ասիայում ընդհանուր ռազմավարություն կառուցելու համար։ Նման եզրակացության կարելի է հանգել նայելով Հայաստանի և Ղազախստանի կառավարությունների վերջին բոլոր համատեղ գործողությունները, գրում է politnavigator.news–ը։ 

Օրինակ ապրիլին Telegram-ի տարբեր ալիքներ հաղորդեցին, որ Աստանան պլանավորում է մասնակցել Հայկական երկաթուղիների սեփականաշնորհմանը։

Հաղորդվել էր, որ Ղազախստանում Հայաստանի դեսպան Ղևոնդյանը մասնակցել է Ղազախստանի կառավարության հետ բանակցություններին, և նույնիսկ մշակվել է համատեղ ծրագիր, ըստ որի ակտիվների փոխանցման գործընթացում ներգրավված կլինի «Middle Corridor Multimodal» ՍՊԸ-ն, որը 2023 թվականին ստեղծվել է Վրաստանի, Ադրբեջանի և Ղազախստանի կողմից հատուկ Միջին միջանցքը և երկաթուղային երթուղիները կառավարելու համար։

Այսինքն նախատեսվում էր «Ռուսական երկաթուղիներ»-ին մի կողմ դնել և նման կերպ լիովին վերացնել Ռուսաստանի հետ միասնական սակագնային և տրանսպորտային համակարգերը։ Սակայն, բանակցությունների մանրամասների հրապարակումից հետո, Աստանան հետ է քաշվել հայտարարելով, որ նման ծրագրեր չունի։ Այնուամենայնիվ  ապրիլի 9-ին հենց Նիկոլ Փաշինյանն է ճեպազրույցի ժամանակ մասամբ հաստատել նման մտադրությունները: «Սա բաց գործընթաց է, և մենք չենք պատրաստվում թաքցնել այն մեր գործընկերներից: Բնականաբար, մենք պետք է նաև պատրաստ լինենք հրավիրել Ղազախստանին օգտագործել Հայաստանով անցնող երթուղիները իրենց արտահանման և ներմուծման համար և դիտարկել այդ ճանապարհները որպես իրենց տրանսպորտային շղթայի մաս»,– ասել է նա:

Իրոք, քննարկումը վերաբերում էր Երևանի ցանկությանը ներգրավել ղազախական ներդրումներ հատկապես «Թրամփի երթուղու» ենթակառուցվածքների զարգացման համար, քանի որ այն այժմ պաշտոնական քարոզչության մեջ ներկայացվում է որպես Արևմուտքի և Արևելքի միջև աշխարհառազմավարական կամուրջ: Այս նախագծի շուրջ բանակցությունները ակնհայտորեն դեռևս ավարտված չեն, քանի որ Թուրքիայից բացի, Եվրամիությունն է ակտիվորեն խթանում  Ղազախստանի ներգրավվածությունը, ինչը համոզիչ փաստարկ է Աստանայի համար: Հետևաբար, Հայաստանի և Ղազախստանի ղեկավարություններն արդեն իսկ ցուցադրում են ՀԱՊԿ-ի և ԵԱՏՄ-ի շրջանակներում համատեղ գործունեությունները համակարգելու ցանկություն: Ընդ որում ինտեգրացիոն կառույցների քանդման գործում Աստանան ներկայումս ընդունում է Փաշինյանի և ընկերների առաջամարտիկ դերը: Կարելի է ասել, որ նրանց միջև արդեն ձևավորվել է մի տեսակ դաշինք: Սակայն, վերջերս Երևանում կայացած «շաբաշ» միջոցառումներից հետո նպատակ է դրվել Հայաստանի միջոցով ակտիվացնել ջանքերը Կենտրոնական Ասիայում։ Ավելին, Հայաստանը դառնում է այն հարթակը, որի միջոցով ապագայում կկառավարվի Արևմտյան գաղութացման գործընթացը։

Իրոք, Աստանա են վերջերս այցելել NVIDIA-ի գլոբալ արհեստական բանականության ենթակառուցվածքների զարգացման փոխնախագահ Նիկոլո Մարտին Կապրեզան, ինչպես նաև Firebird արհեստական բանականության համահիմնադիրներ Ռազմիգ Բերգ Հովակիմյանը և Ալեքսանդր Եսայանը։ Այս երկու ընկերությունները Հայաստանում իրականացնում են ամերիկյան տվյալների կենտրոն հիմնելու նախագիծը։ Բարձր մակարդակի հանդիպում է տեղի ունեցել Կասիմ-Ժոմարտ Տոկաևի մասնակցությամբ, ով փաստացի համաձայնություն է տվել ԱՄՆ ղեկավարությամբ Ղազախստանում թվայնացմանը։ Մի քանի տարի առաջ էլ Կասպից ծովում արդեն անցկացվել են օպտիկամանրաթելային մալուխներ, ամերիկյան և բրիտանական ընկերություններն են ներգրավված եղել այդ նախագծում։ Այսինքն հող է նախապատրաստվում Ղազախստանի «թվային օկուպացիայի» համար։ Այլ կերպ ասած, ստեղծվել է ամբողջ ենթակառուցվածքը, և հիմա ժամանել են իրական շահառուներն ու սեփականատերերը։ Երևանի հզոր տվյալների կենտրոնի միջոցով նպատակը կիրականացվի, այն է թվային վերահսկողություն հաստատել ամբողջ Կենտրոնական Ասիայի վրա։

Տրանսկասպյան երթուղին իսկապես «պատուհան է դեպի Եվրոպա» տարածաշրջանի իշխող էլիտաների համար ոչ միայն ռեսուրսների արտահանման, այլ նաև արտաքին վերահսկողության համակարգի հաստատման միջոցով լիակատար ստրկացման համար։ Եվ «Նոր Աֆրիկայի» ժամանակակից կառավարումը կարող է իրականացվել միայն տվյալների կենտրոնների միջոցով։ Զարմանալի չէ, որ Իրանը, բացի ամերիկյան բազաներից, հիմնականում թիրախավորել է արաբական միապետություններում տեղակայված արևմտյան տվյալների կենտրոնները, որպեսի «Էպշտեյնի կոալիցիային» զրկի հետախուզության, համակարգման և վերահսկողության տեղեկատվական առավելություններից։ Այդ կապակցությամբ ՆԱՏՕ-ի և ամբողջ անգլոսաքսոնական ընդլայնման առաջխաղացման համար Երևանը դառնում է բանալին, իսկ Աստանան դարպասը դեպի Կենտրոնական Ասիա։

Նյութը հրապարակման պատրաստեց Կամո Խաչիկյանը

www.1or.am