Ուրսուլան բացատրել է, թե քանի արծաթով են գնել Հայաստանը

Եվրամիությունը տասնյակ միլիարդներ կներդնի Հայաստանը լոգիստիկ կենտրոնի վերածելու համար, բայց դրա դիմաց այն փաստացի կվերահսկի երկրի տեղեկատվական օրակարգը։

politnavigator.news-ի թղթակիցը հաղորդել է, որ այդ մասին հայտարարել է Եվրոպական հանձնաժողովի նախագահ Ուրսուլա ֆոն դեր Լեյենը Երևանում կայացած մամուլի ասուլիսում։

«Մենք ստորագրել ենք տրանսպորտային ենթակառուցվածքների վերաբերյալ գործընկերության համաձայնագիր։ Այն մեր համագործակցությունը բարձրացնում է նոր մակարդակի՝ հավակնոտ նպատակներով։ Հայաստանն ունի եզակի դիրք։ Ձեր երկիրը գտնվում է խաչմերուկում, և այս նախաձեռնությունն ունի Եվրոպան Կովկասի և Կենտրոնական Ասիայի հետ կապելու և Հայաստանը տրանսպորտային հիմնական հանգույցի վերածելու ներուժ։ Մենք պատրաստ ենք աշխատել սահմանային անցակետերի վերականգնման ուղղությամբ։ Մենք կաջակցենք Հայաստանի ինտեգրմանը հիմնական տրանսպորտային ցանցերին, օրինակ Տրանսկասպյան միջանցքին։ Այդ երթուղին ռազմավարական նշանակություն ունի նաև Եվրոպայի համար։ Երկրորդ հենասյունը էներգետիկան է։ Հայաստանում արևային էներգիային արագ զարգացումը  տպավորիչ է։ Մենք աջակցում ենք ձեր էներգետիկ անկախության բարձրացմանն ուղղված նախագծերին»։ Այս նպատակով արդեն հատկացվել է 25 միլիոն եվրո», - ասել է ֆոն դեր Լեյենը։

«Մենք նաև ամրապնդում ենք համագործակցությունը անվտանգության ոլորտում։ Եվրոպական խաղաղության հիմնադրամի միջոցով մենք աջակցում ենք Հայաստանի զինված ուժերին։ Սակայն Հայաստանը նաև պետք է հակազդի արտաքին տեղեկատվական մանիպուլյացիաներին, հիբրիդային սպառնալիքներին և միջամտությանը։ Մեր նոր առաքելությունը՝ «Գործընկերություն ԵՄ-ի հետ», կօգնի ձեզ հակազդել այդ հիբրիդային սպառնալիքներին և ապատեղեկատվությանը։

Վիզայի ազատականացումը առաջնահերթություն է։ Մենք բոլորս գիտենք, որ դա մեր ժողովուրդներին մերձեցնելու հիմնական միջոց է։ Մենք ակնկալում ենք ներգրավել 2.5 միլիարդ եվրոյի ներդրումներ։ Մենք աջակցում ենք հայկական բիզնեսներին օգնելով նրանց զարգանալ, նորարարություններ անել և մուտք գործել նոր շուկաներ», - հավելել է նա։

Նյութը հրապարակման պատրաստեց Կամո Խաչիկյանը

www.1or.am