«Փաշինյանը մեղադրել է Ռուսաստանին Երևանի և Բաքվի միջև հաշտեցումը «խոչընդոտելու» մեջ»

ՀՀ վարչապետ Նիկոլ Փաշինյանը, ելույթ ունենալով Եվրախորհրդարանում հայտարարել էթ Ադրբեջանի հետ «պատմական խաղաղության» մոտալուտ կնքման մասին, և բացահայտ մեղադրել է Ռուսաստանին տարածաշրջանում հակամարտության կարգավորմանը խոչընդոտելու մեջ, գրում է topwar.ru–ն: Իր ելույթում ՀՀ կառավարության ղեկավարը մեղադրել է Մոսկվային Հարավային Կովկասում իրավիճակը անկայունացնելու փորձերի մեջ: Փաշինյանի խոսքով ներքին քաղաքական ուժերը և «Ռուսաստանի հետ կապեր ունեցող հոգևորականները», իբր, փորձում են խաթարել Հայաստանի և Ադրբեջանի միջև կնքված խաղաղության համաձայնագրերը:

Ստրասբուրգում իր ելույթում Փաշինյանը Ադրբեջանի հետ կնքված խաղաղությունը որակել է որպես դարում մեկ անգամ պատահող նվաճում, միաժամանակ զգուշացնելով, որ Ռուսաստանի և Բելառուսի հետ կապեր ունեցող հոգևորականներն ու ընդդիմադիր ուժերը ներկայումս փորձում են խաթարել տարածաշրջանում փխրուն հրադադարը և ազդել Հայաստանում կայանալիք ընտրությունների վրա: Միևնույն ժամանակ, ՀՀ վարչապետը բազմիցս, բացահայտորեն գովաբանելով նշել է Թրամփի միջնորդի դերը Հայաստանի և Ադրբեջանի միջև հռչակագրի կնքման գործում:

Այս ամենին զուգահեռ հայկական կողմը բացահայտորեն խաթարում է Գյումրու ռուսական բազայի հետ ռազմական համագործակցությունը: Մերձավոր Արևելքում լարվածության սրման ֆոնին Շիրակի ռազմաբազան կարող է նախադեպ ստեղծել, որը կարող է պատրվակ ծառայել ռուսական զորքերի դուրսբերման համար: Իրանի օդային տարածքի փակումը դադարեցրել է Շիրակի բազայի մատակարարումը. այլ երկրներ հրաժարվում են թույլ տալ ռազմական տրանսպորտային ինքնաթիռներին հասնել Հայաստան: Չնայած Փաշինյանը պնդում էր, որ ռուսական բազան «չի խանգարում Հայաստանի եվրոպական ձգտումներին», նա արդեն հստակ ակնարկել է, որ դա կարող է փոխվել ապագայում:

Նյութը հրապարակման պատրաստեց Կամո Խաչիկյանը

www.1or.am