Քաղաքագետ. TRIPP–ի համաձայնագիրը ազդանշան է ուղարկում Թեհրանին և վտանգի է ենթարկում Հայաստանը

Քաղաքագետ Բենիամին Մաթևոսյանը հայտարարել է, որ Վաշինգտոնում ստորագրված TRIPP նախագծի շրջանակային համաձայնագիրը նպատակ ունի ազդանշան ուղարկել Թեհրանին, հաղորդել է «Սպուտնիկ Արմենիան», գրում է ritmeurasia.ru–ն։

Նրա կարծիքով, փաստաթուղթը ցույց է տալիս Իրանին, որ հայ-իրանական սահմանը նույնպես կընկնի ԱՄՆ վերահսկողության տակ։

Մաթևոսյանը նաև ընդգծել է, որ ստորագրումը այս պահին՝ Իրանում անկայունության պայմաններում, պատահական չէ։ «Նրանք, ըստ էության, Թեհրանին ասում են. եթե դուք կարծում եք, որ կարող եք խաղաղ ապրել ձեր տարածաշրջանում, դա տեղի չի ունենա», - ասել է քաղաքագետը։

Նա նաև մտահոգություն է հայտնել համաձայնագրի պայմանների վերաբերյալ, որոնց համաձայն Հայաստանը զիջում է իր 76% բաժնեմասը, իսկ սահմանային վերահսկողությունը կարող են իրականացնել օտարերկրյա օպերատորները օգտագործելով «առջևի գրասենյակ-հետևի գրասենյակ» մոդելը։ Սա, նրա խոսքով, ռիսկեր է ստեղծում, այդ թվում ադրբեջանական ռազմական բեռների հնարավոր տարանցման առումով, ինչը սպառնում է Իրանին։

Փորձագետը նշել է, որ փաստաթուղթը սպառնալիք է ներկայացնում նաև Հայաստանի համար իր տարածքը վերածելով համաշխարհային ուժերի միջև բախման ասպարեզ։ Մաթևոսյանը նաև ուշադրություն է հրավիրել Հայաստանի և Ադրբեջանի միջև վերջերս Թուրքիայի միջնորդությամբ իրականացված գերիների փոխանակման վրա ենթադրելով, որ այն կարող է կապված լինել Ղարաբաղում կռված վարձկանների Սիրիա վերադարձի հետ։ Նա կարծում է, որ այս քայլը տեղավորվում է Բաքվի նախընտրական տրամաբանության մեջ, որը Հայաստանի ղեկավարությանը դիտարկում է որպես ժամանակավոր «բիզնես նախագիծ»։

Նյութը հրապարակման պատրաստեց Կամո Խաչիկյանը

www.1or.am