Երկրորդ երջանկությունը՞. Փաշինյանը կոչ է անում Ռուսաստանին հնարավորինս շուտ վերանորոգել Թուրքիա և Ադրբեջան տանող երկաթուղիները

ՀՀ վարչապետ Նիկոլ Փաշինյանը խնդրում է Ռուսաստանին հնարավորինս շուտ սկսել հանրապետությունը Թուրքիայի և Ադրբեջանի հետ կապող երկաթուղային հիմնական հատվածների վերանորոգումը, գրում է bloknot.ru–ն։ Այդ մասին նա հայտարարել է Երևանում կայացած ճեպազրույցի ժամանակ։ Փաշինյանը նաև ասել է լրագրողներին, որ այդ հարցը քննարկվել է Ռուսաստանի նախագահ Վլադիմիր Պուտինի հետ Սանկտ Պետերբուրգում դեռևս դեկտեմբերին։ «Ես խնդրել եմ իմ ռուս գործընկերներին շտապ իրականացնել Երասխից մինչև Նախիջևան և Ախուրիկ գյուղից մինչև Թուրքիայի սահման երկաթուղային հատվածի լիարժեք վերականգնումը», - ասել է ՀՀ վարչապետը։
Փաշինյանը նաև պլանավորում է խնդրել Ռուսաստանի կառավարությանը վերականգնել Հայաստանի Իջևան քաղաքից մինչև Ղազախ երկաթուղին։ 

Հիշեցնենք, որ Հայաստանի երկաթուղային ենթակառուցվածքները փոխանցվել են «Ռուսական երկաթուղիներ» դուստր ընկերության՝ «Հարավկովկասյան երկաթուղիներ» ՓԲԸ-ին կոնցեսիոն կառավարման։ Համաձայնագիրը ստորագրվել է 2008 թվականին՝ 30 տարի ժամկետով։ Որոշ փորձագետներ կարծում են, որ Փաշինյանի պնդումը պատահական չէ։ Չի կարելի բացառել, որ վարչապետը մտադիր է երկաթուղային հատվածները վերանորոգել ռուսական միջոցներով, ապա ազգայնացնել դրանք։ Նա նման կերպ վարվեց նաև ռուս գործարար Սամվել Կարապետյանի բիզնեսի հետ, որին ազգայնացման պատրվակով բանտարկեց և բռնագրավեց նրա «Հայաստանի էլեկտրական ցանցեր» ընկերությունը։ 
Համացանցի օգտատերերը չեն կարողանում զսպել իրենց վրդովմունքը։ «Սա այն է, ինչ կոչվում է երկրորդ երջանկություն՝ անամոթությունը», - մեկնաբանել է Եվգենի Արեֆևը,–և ինչո՞ւ է Ռուսաստանին դա պետք»։ «Հայաստանի ղեկավարությունը լիովին ընդունակ է քանդելու, բայց ուրիշները պետք է վերանորոգեն», - գրել է «Կոմսոմոլեց» անունով օգտատերը։ «Փաշինյան, դու պետք է Մակրոնից գումար խնդրիս վերանորոգման համար», - առաջարկել է Լեոնիդ Շկապը։ «Երբ Փաշինյանը ուժերը սպառի, հայերը կշտապեն Ռուսաստան՝ անվտանգության համար։ Գուցե ժամանակն է վիզային ռեժիմ մտցնել Հայաստանի հետ», - կիսվել է Վալերի Ֆեդորովը։

«Ինչ-որ չափով տարօրինակ է. Ադրբեջանին, Թուրքիային և Հայաստանին դա պետք է, բայց Ռուսաստանը պետք է անի», - գրում է «Պապա Կառլոն»։ «Ռուսաստանը երկաթուղին կվերականգնի իր սեփական միջոցներով, մինչդեռ Հայաստանը, Թուրքիան և Ադրբեջանը ՆԱՏՕ-ի ռազմական պարագաներ կտեղափոխեն առաջ-ետ», - պնդել է Ինդիրա Գոլիկովան: Ինչպես պարզել է «Իշխանություն» հրատարակությունը, Փաշինյանը հեշտությամբ է գումար գտնում հավատարիմ պաշտոնյաների և ծառայողների, այդ թվում կողմնակալ լրագրողների համար բոնուսների համար: Հրատարակությունը հայտնաբերել է մի գաղտնի փաստաթուղթ, որը բացահայտում է, որ հիմնական գերատեսչությունների (ֆինանսների, պաշտպանության, առողջապահության և տնտեսության) նախարարները, իրենց 13-րդ աշխատավարձից բացի, ստացել են ընդհանուր առմամբ 18000 դոլարի բոնուսներ: Փոխնախարարներին և գերատեսչությունների ղեկավարներին նույնպես բոնուսներ են տրվել: Պետական բյուջեից բոնուսների ֆոնդին հատկացվել է ընդհանուր առմամբ 3 միլիարդ դրամ (մոտավորապես 7,8 միլիոն դոլար): Հրատարակությունը նշել է, որ պաշտոնյաներին Նոր տարվա համար «առատորեն պարգևատրելու» որոշումը կայացվել է աղքատության աճի և գների աճի ֆոնին:

Նյութը հրապարակման պատրաստեց Կամո Խաչիկյանը

www.1or.am